- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
ٹی ٹوئنٹی ورلڈکپ میں پاکستانی ٹیم فیورٹ قرار
عماد وسیم نے ٹی ٹوئنٹی ورلڈکپ میں پاکستان کو فیورٹ قرار دیدیا۔
پاکستان کرکٹ کی سب سے بڑی ویب سائٹ www.cricketpakistan.com.pkکے پروگرام ’’کرکٹ کارنر ود سلیم خالق‘‘ میں گفتگو کرتے ہوئے عماد وسیم نے کہا کہ یواے ای میں پاکستان نے بہت کرکٹ کھیلی ہے، وہاں گرین شرٹس کو ہوم گراؤنڈز جیسی کنڈیشنز ملتی ہیں،اسی لیے ہمارا شمار ٹی ٹوئنٹی ورلڈکپ کی فیورٹ ٹیموں میں ہوگا،کھلاڑیوں میں اتنی صلاحیت ہے کہ میگا ایونٹ میں بہترین نتائج دے سکیں۔
انہوں نے کہا کہ سب میدان میں 100فیصد صلاحیتوں کے اظہارکی کوشش کریں گے، ٹی ٹوئنٹی ورلڈکپ سے قبل پاکستان کو2،3سیریز میسر ہیں،ان میں فتوحات کے ساتھ ردھم اور اعتماد حاصل کرنے پر توجہ مرکوز ہوگی۔
ایک سوال پر انھوں نے کہا کہ میرے لیے سینٹرل کنٹریکٹ گنوانا مایوس کن تھا مگر کبھی کسی وجہ سے تو کبھی بغیر وجہ کے بھی کیریئر میں اتار چڑھاؤآتے ہیں،میرے اور فیملی کیلیے وہ ایک مشکل وقت ثابت ہوا،اس سے باہر نکلنے کا ایک ہی طریقہ تھا کہ میدان میں اچھا پرفارم کروں، اب بھی توجہ اسی بات پر مرکوز ہے۔
عماد وسیم نے کہا کہ انگلینڈ میں پچز فلیٹ تھیں، میں وہاں اپنی کارکردگی سے مطمئن اور خوش ہوں،اس سے بھی بہتر کھیل پیش کر سکتا تھا، بدقسمتی سے پاکستان وہ سیریز ہارگیا،میں اچھے ردھم میں ہوں،کسی قسم کے فٹنس مسائل نہیں ہیں،بیٹنگ اور بولنگ کرتے ہوئے جسم بھی ساتھ دے رہا ہے۔
آل راؤنڈر نے کہا کہ انگلینڈ اور نیوزی لینڈ جیسی ٹیموں کا پاکستان آنا خوش آئند ہے،اگر تماشائیوں کو اسٹیڈیم میں آنے کی اجازت مل جائے تو مزید بہتر ہوگا،ان دونوں ٹیموں کے دورے سے دیگر کے شکوک و شبہات بھی ختم ہو جائیں گے۔
عماد وسیم ون ڈے کرکٹ میں بھی ملک کی نمائندگی کے خواہاں
عماد وسیم ون ڈے کرکٹ میں بھی ملک کی نمائندگی کے خواہاں ہیں، آل راؤنڈر کا کہنا ہے کہ ورلڈکپ 2019کے بعد ابھی تک اس طرز کے2یا 3میچز ہی کھیلنے کا موقع مل سکا،میں نہیں جانتا کہ ٹیم سے ڈراپ کس بنیاد پر کیا گیا تھا،بہرحال یہ سلیکٹرز، کوچز اور کپتان کا فیصلہ تھا جس کو مجھے قبول کرنا ہے،میں ڈومیسٹک کرکٹ میں اپنی صلاحیتوں کا بھرپور اظہار کرنے کی کوشش جاری رکھوں گا۔
انھوں نے کہا کہ میچز میں شرکت کا موقع نہ ملنے کی وجہ سے ون ڈے آل راؤنڈرز رینکنگ میں تیسری سے ساتویں پوزیشن پر آگیا ہوں،میں نے کبھی سوشل میڈیا پر اپنے تحفظات کا اظہار نہیں کیا مگر اب بھی ایک روزہ کرکٹ میں ملک کے کام آنے کیلیے پْرعزم ہوں، امید ہے کہ مستقبل قریب میں اس کا موقع بھی ملے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔