خاندان میں اجنبی کا اندراج معلوم کرنے کے نظام کا آغاز

ویب ڈیسک  ہفتہ 21 اگست 2021
غیرقانونی طور پر پاکستان میں رہنے والے غیرملکیوں کے خلاف آپریشن شروع

غیرقانونی طور پر پاکستان میں رہنے والے غیرملکیوں کے خلاف آپریشن شروع

 کراچی: نادرا نے شناختی کارڈ کی تصدیق وَ تجدید کے نئے نظام کا اجراء کر دیا۔

غیرقانونی طور پر پاکستان میں رہنے والے غیرملکیوں کے خلاف آپریشن شروع کر دیا گیا۔ نئے نظام سے نادرا ڈیٹابیس میں موجود غیرملکیوں کی نشاندہی انتہائی آسان ہو گئی۔

ترجمان نادرا کے مطابق آپ کا خاندان محفوظ تو پاکستان محفوظ کے مرکزی پیغام کے تحت آگاہی مہم کا آغاز کر دیا گیا، اب ہر پاکستانی اپنے خاندان میں کسی اجنبی یا غیرمتعلقہ فرد کی رجسٹریشن چیک کرسکتا ہے۔

جدید ٹیکنالوجی سے جعلی شناختی کارڈ کا سراغ لگایا جائے گا، آرٹیفشل انٹیلی جنس جیسی جدت آمیز ٹیکنالوجی کا استعمال کیا جائے گا۔
شہری اپنے رجسٹرڈ موبائل نمبر سے 8009 پر اپنا شناختی کارڈ نمبر بمعہ تاریخ اجراء ایس ایم ایس کریں، جواب میں آپ کو اپنے خاندان کے افراد کی تفصیلات (فیملی ٹری) موصول ہوں گی۔

معلومات درست ہوں تو 2 لکھ کر ایس ایم ایس کرکے تصدیق کریں، معلومات درست نہ ہونے کی صورت میں جواب میں 1 لکھ کر ایس ایم ایس کریں، نادرا کا نمائندہ آپ سے رابطہ کرے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔