ایئرعربیہ اور لیکسن گروپ کا نئی ایئرلائن ’’فلائی جناح‘ ‘لانچ کرنے کا اعلان

ایئرعریبیہ کو خوش آمدید کہتا ہوں، حکومت پاکستان میں بیرونی سرمایہ کاروں کے لیے آسانیاں پیدا کر رہی ہے، وزیراعظم (فوٹو : فائل)

---

اماراتی ایئرلائن ایئرعربیہ نے پاکستانی کاروباری ادارے لیکسن گروپ کے ساتھ مل کر نئی ایئرلائن '' فلائی جناح'' لانچ کرنے کا اعلان کردیا، وزیراعظم عمران خان نے ملک میں غیرملکی سرمایہ کاری کا خیرمقدم کیا ہے۔

شارجہ بیسڈ اماراتی ہوابازی کمپنی ایئرعربیہ کے مطابق ایئرلائن نے پاکستانی کاروباری ادارے لیکسن گروپ کے ساتھ مل کر نئی ایئر سروس لانچ کرنے کا اعلان کیا ہے جس کا نام '' فلائی جناح'' رکھا گیا ہے۔

https://twitter.com/airarabiagroup/status/1433768292024475685?s=20

اس حوالے سے وزیر اعظم عمران خان سے ائیرعربیہ گروپ کے چیئرمین شیخ عبد اللہ بن محمد الثانی نے اسلام آباد میں ملاقات کی۔ ملاقات میں وفاقی وزراء چوہدری فواد احمد اور غلام سرور خان بھی موجود تھے۔ اس دوران پاکستان کی کمرشل ہوا بازی صنعت میں سرمایہ کاری کے امور پر گفتگو ہوئی۔

وزیر اعظم نے کہا کہ سیاحت کے فروغ کے لیے بیرونی ممالک سے کمرشل ایئر لائنز کی سرمایہ کاری کو خوش آمدید کہتے ہیں، چاہتے ہیں کہ پاکستان سرمایہ کاروں کی ترجیحی منزل ہو۔

I welcome @airarabiagroup to Pakistan & wish them success in their partnership with local investors to establish a new Pakistani airline, FLY JINNAH. My govt is committed to attracting investment in Pakistan's burgeoning travel & tourism sector which offers immense opportunities.

— Imran Khan (@ImranKhanPTI) September 3, 2021

ملاقات کے بعد ٹویٹ میں وزیراعظم عمران خان نے کہا ہے کہ ایئرعریبیہ کو پاکستان میں خوش آمدید کہتا ہوں، ایئرعریبیہ مقامی سرمایہ کاروں کے ساتھ مل کر پاکستان کی نئی ایئرلائن سروس شروع کررہی ہے۔

وزیراعظم نے مزید کہا کہ حکومت پاکستان میں بیرونی سرمایہ کاروں کے لیے آسانیاں پیدا کر رہی ہے، سیاحت اور سفر کے شعبے میں سرمایہ کاری کے بے پناہ مواقع موجود ہیں۔