سابق افغان وزیر خارجہ کے گھر سے شراب کی بوتلیں برآمد، ویڈیو وائرل

کابل: افغانستان کے سابق وزیر خارجہ صلاح الدین ربانی کے گھر سے غیر ملکی شراب کی بوتلوں کا ذخیرہ ملا  ہے۔ 

سوشل میڈیا پر کوئی ایسا دن نہیں گزرتا جب طالبان افغانستان کے سابق حکمرانوں کی عیاشیوں اور مادہ پرستی کو بے نقاب نہ کرتے ہوں۔ کسی کا محل عالیشان اور قیمتی اشیاء سے مالا مال ہے تو کسی کے وسیع و عریض گھر سے ڈالرز اور سونے کے سکے برآمد ہو رہے ہیں۔

قبل ازیں عبد الرشید دوستم کے محل نما گھر اور نائب صدر امر اللہ صالح کے گھر سے ڈالرز کی برآمدگی کی ویڈیوز وائرل ہوچکی ہو چکی ہیں جب کہ ایسی خبریں بھی زیر گردش رہی ہیں کہ اشرف غنی ملک سے فرار ہوتے ہوئے ڈالرز سے بھرے سوٹ کیس اور ہیلی کاپٹر ساتھ لیکر گئے ہیں۔

Wine was recovered from Rabbani's house The #Taliban have seized a large liquor treasure from the house of former #Afghan Foreign Minister Salahuddin Rabbani,
Salahuddin Rabbani is the son of former jihadi leader and Afghan President Burhanuddin Rabbani pic.twitter.com/6SttMW7xYr

— Islamic Defence Force of Afghanistan (@TalibanSoldiers) September 14, 2021

آج بھی سوشل میڈیا پر ایک ویڈیو وائرل ہورہی ہے جس میں طالبان کی طرح دکھائی دینے والے چند لوگ ایک گھر میں داخل ہو رہے ہیں اور ایسے کمرے میں جاتے ہیں جہاں لاتعداد اور قسم قسم کی شراب کی بوتلیں رکھی ہوئی ہیں۔

یہ خبر پڑھیں : امراللہ صالح کے گھر سے لاکھوں ڈالرز اور سونا برآمد، ویڈیو وائرل 

ساتھ ہی ساتھ ویڈیو ریکارڈ کرنے والا یہ بھی بتا رہا ہے کہ یہ گھر سابق وزیر خارجہ صلاح الدین ربانی کا ہے جو ملک سے جاچکے ہیں تاہم پیچھے یہ جائیداد چھوڑ گئے ہیں۔

صلاح الدین ربانی سابق افغان صدر اور سویت یونین کیخلاف جنگ لڑنے والے کمانڈر برہان الدین ربانی کے صاحبزادے ہیں۔

ویڈیو کے حوالے سے سابق وزیر خارجہ صلاح الدین ربانی کا ردعمل سامنے نہیں آیا اور نہ ہی ویڈیو کی آزاد ذرائع سے تصدیق ہوسکی ہے۔