اسلحہ لائسنس کمپیوٹرائزڈ کرانے کی تاریخ میں 15دن کی توسیع

شہری لائسنس کو ڈپٹی کمشنرز کے دفاتر سے کمپیوٹرائزڈ کرالیں،ایڈیشنل سیکریٹری داخلہ

Staff Reporter January 31, 2014

مقررہ تاریخ کے بعد تمام دستی اسلحہ لائسنس منسوخ کردیے جائینگے، ممتاز علی شاہ۔ فوٹو: فائل

حکومت سندھ نے کراچی سمیت صوبے بھر میں دستی اسلحہ لائسنس کو کمپیوٹرائزڈ کرانے کی تاریخ میں مزید 15دن کی توسیع کردی۔

ایڈیشنل چیف سیکریٹری داخلہ ممتاز علی شاہ کے مطابق دستی اسلحہ لائسنس کو کمپیوٹرائزڈ کرانے کی تاریخ میں توسیع کی سمری وزیر اعلیٰ نے منظور کرلی،وزیراعلیٰ قائم علی شاہ کی ہدایت پر دستی اسلحہ لائسنس کو کمپیوٹرائزڈ کرنے کی تاریخ میں 15فروری تک توسیع کردی گئی۔

photo 5_zpsc2d58141.jpg

ایڈیشنل چیف سیکریٹری داخلہ سندھ نے صوبائی حکومت کے ماتحت جاری کیے جانے والے دستی اسلحہ لائسنس رکھنے والے تمام افراد کو ہدایت کی ہے کہ وہ مقررہ تاریخ تک اپنے اسلحہ لائسنس کو متعلقہ ڈپٹی کمشنرز کے دفاتر سے کمپیوٹرائزڈ کرالیں ، مقررہ تاریخ کے بعد تمام دستی اسلحہ لائسنس منسوخ کردیے جائیں گے۔