شہباز، بلاول کی پارلیمنٹ اجلاس میں تقریریں شکست خوردہ تھیں، فواد چوہدری

 اسلام آباد: وفاقی وزیراطلاعات اورنشریات فوادچوہدری کا کہنا ہے کہ شہبازشریف اوربلاول بھٹوکی تقریریں شکست خوردہ سیاستدانوں کی تقریریں تھیں۔

فوادچوہدری کا ٹوئٹ میں کہنا تھا کہ پتہ چل گیا کس کے پاس اکثریت ہے اور کون ابھی سے راہ فرار اختیار کر رہا ہے۔بلاول بھٹواورشہبازشریف کی پارلیمنٹ اجلاس میں تقریریں شکست خوردہ سیاستدانوں کی تقریریں تھیں۔

شہباز شریف اور بلاول کی تقریریں شکست خوردہ سیاستدانوں کی تقاریر تھیں ابھی سے پتہ چل گیا کس کے پاس اکثریت ہے اور کون ابھی سے راہ فرار اختیار کر رہا ہے۔۔۔۔۔

— Ch Fawad Hussain (@fawadchaudhry) November 17, 2021

اس سے قبل فواد چوہدری نے کہا کہ  اوورسیزپاکستانیوں کوووٹ کے حق سے جمہوریت مضبوط ہوگی۔انشاللہ آج پارلیمان اوورسیز پاکستانیوں کو انتخابات میں ووٹ ڈالنے کی سہولت کا قانون پاس کر کے تحریک انصاف ایک اور انتخابی وعدے کی تکمیل کرے گی۔

فواد چوہدری کا کہنا تھا کہ  الیکٹرونک ووٹنگ مشین اور اوورسیز پاکستانیوں کے ووٹ کا قانون پاکستان میں جمہوریت کو مضبوط بنانے کیلئے سنگ میل ثابت ہوں گے۔فوادچوہدری کا کہنا تھا کہ انشاللہ آج پارلیمان اوورسیز پاکستانیوں کو انتخابات میں ووٹ ڈالنے کی سہولت کا قانون پاس کر کے تحریک انصاف ایک اور انتخابی وعدے کی تکمیل کرے گی۔

الیکٹرونک ووٹنگ مشین اور اوورسیز پاکستانیوں کے ووٹ کا قانون پاکستان میں جمہوریت کو مضبوط بنانے کیلئے سنگ میل ثابت ہوں گے۔