خیبر پختونخواہ بلدیاتی انتخابات کے پہلے مرحلے کے لئے تیاریاں

ویب ڈیسک  بدھ 1 دسمبر 2021
الیکشن کمیشن نے بلدیاتی انتخابات کی تیاریوں پراطمینان کا اظہارکیا:فوٹو:فائل

الیکشن کمیشن نے بلدیاتی انتخابات کی تیاریوں پراطمینان کا اظہارکیا:فوٹو:فائل

 پشاور: خیبر پختو نخواہ میں بلدیاتی انتخابات کے پہلے مرحلے کے لئے تیاریاں جاری ہیں۔

خیبر پختونخواہ بلدیاتی انتخابات کےلئے بیلٹ پیپرز کی چھپائی شروع ہوگئی ہے۔ بیلٹ پیپرز کی چھپائی لاہوراوراسلام آباد میں ہورہی ہے۔

ذرائع کے مطابق خیبر پختونخواہ میں بلدیاتی انتخابات کے پہلے مرحلے کےلئے 10 کروڑ سے زائد بیلٹ  پیپرز چھاپے جا رہے ہیں۔

صوبائی الیکشن کمشنر خیبر پختونخواہ نے الیکشن کمیشن کو بلدیاتی انتخابات پر بریفنگ میں بتایا کہ بیلٹ پیپرزجماعتی بنیادوں پرچھاپے جارہے ہیں۔ الیکشن کمیشن نے بلدیاتی انتخابات کی تیاریوں پراطمینان کا اظہارکیا۔

سپریم کورٹ میں کے پی کے حکومت کی درخواست مسترد ہونے کے بعد بلدیاتی انتخاب کی تیاریوں کا کام تیز کیا گیا ہے۔

خیبر پختونخواہ میں بلدیاتی انتخابات کا پہلا مرحلہ 19 دسمبر کو شیڈول ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔