ترسیلات زر جولائی تا جنوری 9 ارب ڈالر سے تجاوز

برطانیہ 1.3 ارب، جی سی سی 1 ارب، یورپی یونین 25 کروڑ، ناروے، سوئٹزر لینڈ، آسٹریلیا، کینیڈا، جاپان و دیگر ممالک سے 60 کروڑ آئے۔ فوٹو: اے ایف پی/فائل

---

بیرون ملک مقیم پاکستانی ورکرز کی جانب سے رواں مالی سال 2013-14کے پہلے 7 ماہ (جولائی تا جنوری) میں 9ارب 3کروڑ 34 لاکھ 10ہزار ڈالر کی ترسیلات زر وطن بھیجی گئیں جو گزشتہ سال کی اسی مدت میں 8ارب20کروڑ63لاکھ 40 ہزار ڈالر کی ترسیلات زر سے 10.08 فیصد زائد ہیں۔

اسٹیٹ بینک آف پاکستان سے جاری اعدادوشمار کے مطابق جولائی 2013 سے جنوری 2014کے دوران سعودی عرب سے 2ارب29کروڑ 20 لاکھ 20ہزار ڈالر سے بڑھ کر 2ارب 59کروڑ 68لاکھ 60ہزار ڈالر، متحدہ عرب امارات 1ارب66کروڑ 93لاکھ 60 ہزار ڈالر سے بڑھ کر 1 ارب 78 کروڑ 58 لاکھ 40 ہزار ڈالر، امریکا 1 ارب 32کروڑ40لاکھ سے 1 ارب 44 کروڑ 14لاکھ 20ہزار ڈالر، برطانیہ 1 ارب 15 کروڑ 53 لاکھ 50 ہزار سے بڑھ کر 1 ارب 30 کروڑ 93 لاکھ 10 ہزار ڈالر، جی سی سی ممالک (بشمول بحرین، کویت، قطر اور سلطنت عمان) 10 کروڑ 61 لاکھ 70 ہزار ڈالراضافے کے ساتھ 94 کروڑ 18لاکھ 30 ہزار سے بڑھ کر 1 ارب 4 کروڑ 80 لاکھ ڈالر، یورپی یونین کے ممالک سے 21 کروڑ 78 لاکھ 90 ہزار ڈالر سے بڑھ کر 25 کروڑ 11لاکھ 30ہزار ڈالر اور ناروے، سوئٹزر لینڈ، آسٹریلیا، کینیڈا، جاپان ودیگر ممالک سے 60 کروڑ58 لاکھ 90 ہزار ڈالر سے گھٹ کر 60 کروڑ 8 لاکھ 50 ہزار ڈالر کی ترسیلات زر وطن آئیں۔



اعدادوشمار کے مطابق گزشتہ ماہ بیرون ملک مقیم پاکستانی کارکنوں نے 1ارب 24 کروڑ33لاکھ 90 ہزار ڈالر کی رقوم وطن بھیجیں، اس دوران سعودی عرب، متحدہ عرب امارات، امریکا، برطانیہ، جی سی سی ممالک (بشمول بحرین، کویت، قطر اور سلطنت عمان)، اور یورپی یونین کے ممالک سے بالترتیب 39 کروڑ 31 لاکھ 20 ہزارڈالر، 21کروڑ 35 لاکھ ڈالر، 19کرڑ 30 لاکھ 10 ہزارڈالر، 16کروڑ 94 لاکھ 60 ہزار ڈالر، 15کروڑ 3لاکھ 10 ہزار ڈالر اور 3 کروڑ 45 لاکھ 60 ہزار ڈالر کی ترسیلات زر وطن آئیں۔

جبکہ جنوری 2013 کے دوران ان ملکوں سے بالترتیب 33 کروڑ 14 لاکھ ڈالر، 20کروڑ 84لاکھ 60 ہزار ڈالر، 16 کروڑ 84 لاکھ 60 ہزار ڈالر، 15کروڑ 3لاکھ 40 ہزار ڈالر، 13کروڑ 6لاکھ 50 ہزر ڈالر اور 2کروڑ 91 لاکھ 20 ہزار ڈالر کی ترسیلات زر موصول ہوئی تھیں۔ اعدادوشمار کے مطابق رواں مالی سال کے ساتویں ماہ جنوری کے دوران ناروے، سوئٹزرلینڈ، آسٹریلیا، کینیڈا، جاپان اور دیگر ممالک سے 8کروڑ 94 لاکھ 30 ہزار ڈالر کی ترسیلات زر موصول ہوئیں۔