محمد رضوان آئی سی سی ٹی ٹوئنٹی پلیئرز آف دی ایئر میں نامزد

ویب ڈیسک  بدھ 29 دسمبر 2021
محمد رضوان کے علاوہ آسٹریلیا کےمچل مارش، انگلینڈ کے جوز بٹلر اور سری لنکا کے ہسا رنگا بھی اس دوڑ میں شامل ہیں. فوٹو: فائل

محمد رضوان کے علاوہ آسٹریلیا کےمچل مارش، انگلینڈ کے جوز بٹلر اور سری لنکا کے ہسا رنگا بھی اس دوڑ میں شامل ہیں. فوٹو: فائل

کراچی: آئی سی سی نے پاکستان کے محمد رضوان سمیت آئی سی سی نے4 کھلاڑیوں کو کرکٹر آف دی ایئر نامزد کردیا۔

ایکسپریس نیوز کے مطابق آئی سی سی نے ٹی ٹوینٹی کے کرکٹر آف دی ایئر کی نامزدگیوں کا اعلان کردیا ہے، کرکٹرآف دی ایئر میں آئی سی سی نے پاکستان کے مایہ ناز وکٹ کیپر بلے باز محمد رضوان سمیت 4 کھلاڑیوں کو نامزد کیا ہے۔

https://twitter.com/ICC/status/1476132082694836226

آئی سی سی کی جانب سے کرکٹر آف دی ایئر میں شامل کئے گئے دیگر کھلاڑیوں میں آسٹریلیا کےمچل مارش، انگلینڈ کے جوز بٹلر اور سری لنکا کے ہسا رنگا بھی ہیں۔

اس خبرکوبھی پڑھیں: بابراعظم اور محمد رضوان نے ایک اور عالمی ریکارڈ اپنے نام کرلیا

واضح رہے کہ پاکستان کرکٹ ٹیم کے مایہ ناز بلے باز اور وکٹ کیپر محمد رضوان نے اپنے ٹی ٹوینٹی کریئر کے 55 میچز کی صرف 44 اننگز میں 51 اعشاریہ 21 کی اوسط سے 1 ہزار 639 رنز بنا رکھے ہیں، جس میں 1 سینچری اور 13 نصف سینچریاں بھی شامل ہیں۔

اس خبرکوبھی پڑھیں: چھکے لگانے میں محمد رضوان نے گپٹل کو پیچھے چھوڑ دیا

2021 میں محمد رضوان نے بہترین بلے بازی کا مظاہرہ کرتے ہوئے ناصرف پاکستانی ٹیم کو کامیابیوں سے ہمکنار کیا بلکہ متعدد ریکارڈ بھی اپنے نام کئے، انہوں نے ایک سال میں انٹرنیشنل ٹی ٹوئنٹی کرکٹ میں ہزار سے زائد اور مجموعی طور پر مختصر طرز کے میچز میں 2 ہزار رنز بنانے کا منفرد ریکارڈ بھی قائم کیا، کئی ریکارڈ پاش پاش کرنے والے پاکستانی بلے باز نے  رواں سال صرف 29 میچز میں 73 اعشاریہ 66 کی اوسط سے 1326 رنز بنائے، جب کہ مخالف ٹیموں کے 24 کھلاڑیوں کو اپنی بہترین وکٹ کیپنگ کی بدولت پویلین واپس بھیجا، انہوں نے اس سال 42 چھکے اور 119 چوکے لگا کر نیوزی لینڈ کے جارح مزاج بلے باز مارٹن گپٹل کو بھی پیچھے چھوڑ دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔