بہت جلد واٹس ایپ پیغامات پس منظر میں سنے جاسکیں گے

واٹس ایپ آڈیو پیغامات آپ بہت جلد پس منظر میں بھی سن سکیں گے۔ فوٹو: فائل

---

LOS ANGELES: واٹس ایپ نے اپنے ایک آپشن پر کام شروع کردیا ہے جس کے تحت آپ کو طویل پیغامات سننے کے لیے ایپ کھلی رکھنے یا اس کا انٹرفیس سامنے رکھنے کی ضرورت نہیں رہے گی اور یوں بیک گراؤنڈ میں بھی آڈیو پیغامات چلتے رہیں گے۔

واٹس ایپ کے اندرونی حلقوں کے مطابق لوگوں کی اکثریت نے اس آپشن پر زور دیا تھا۔ اس سے قبل واٹس ایپ نے وائس میسج کی رفتار کنٹرول کرنے اور انہیں بھیجنے سے قبل خود سننے کا آپشن بھی پیش کیا تھا جو بہت مقبول ہوا ہے۔

اب عوامی اصرار پر بہت جلد واٹس ایپ پیغامات کو پس منظر میں سننا ممکن ہوسکے گا۔ اس طرح آپ کا وقت بچے گا کیونکہ پیغامات چلتے رہیں گے اور آپ دیگر دوستوں کے پیغامات اور تصاویر کو دیکھ سکیں گے۔ اس طرح واٹس ایپ کے ایک آپشن سے جڑے رہنے کی ضرورت نہیں رہے گی۔

 

اس کی سب سے پہلی خبر ایک ویب سائٹ نے دی ہے جو آئے دن سافٹ ویئر اور ایپس کے بی ٹا ورژن ، ٹیسٹ اور دیگر جدید آپشن کا احوال پیش کرتی رہتی ہے۔ اس لیے یہ خبر مصدقہ ہوسکتی ہے۔ اسطرح واٹس ایپ کے دیگر پیغامات اور تصاویر دیکھتے ہوئے بہت جلد آپ آڈیو پیغامات سن سکیں گے۔