- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
دوسری زندگی ملنے پر اللہ کا شکر گزار ہوں، عابد علی
لاہور: قومی ٹیسٹ کرکٹ ٹیم کے اوپنر عابد علی نے کہا ہے کہ ٹیسٹ اننگز کی طرح دوسری زندگی کا موقع ملنے پر رب کا شکر گزار ہوں۔
ایکسپریس نیوز کے مطابق پاکستان کے ٹیسٹ اوپنر عابد علی کی کرکٹ میں بتدریج واپسی کا سفر جاری ہے، انہوں نے پاکستان کرکٹ بورڈ لاہور کے میڈیکل پینل کی زیرنگرانی نیشنل ہائی پرفارمنس سینٹر میں اپنے مکمل ری ہیب کا آغاز کردیا ہے۔
نیشنل ہائی پرفارمنس سینٹر کے باہر میڈیا سے گفتگو کرتے ہوئے عابد علی نے کہا کہ جیسے ٹیسٹ کرکٹ میں دوسری اننگز ہوتی ہے، ایسے ہی مجھے بھی دوسری زندگی ملی ہے، جس پر میں رب کا جتنا شکر ادا کروں وہ کم ہے۔
میچ کے دوران پیش آنے والے اس واقع کا ذکر کرتے ہوئے عابد علی کا کہنا تھا کہ بیٹنگ کے دوران سینے میں بوجھ اور گھبراہٹ محسوس کرنے پر میں نے کریز کے دوسرے اینڈ پر موجود اپنے ساتھی اظہر علی کے مشورے اور امپائر کی اجازت سے گراؤنڈ چھوڑ کر باہر جانے کا فیصلہ کیا تھا۔
مزید پڑھیں: قومی کرکٹر عابد علی روبہ صحت، گھر جانے کی اجازت
انہوں نے بتایا کہ گراؤنڈ سے باہر جاتے ہوئے مجھے باؤنڈری کے پاس قے ہوئی اور شدید چکر آنے لگے تھے، جس کے بعد سینٹرل پنجاب کے فزیو ڈاکٹر اسد نے فوری طور پر اسپتال منتقل کیا۔
عابد علی نے کہا کہ وہ اسے عام بیماری سمجھ رہے تھے مگر ڈاکٹرز ان کی حالت دیکھ کر حیران رہ گئے اور استفسار کرنے لگے کہ وہ چل پھر کیسے رہے ہیں کیونکہ ای سی جی ٹھیک نہیں آئی اور دل کی دوشریانیں بند ہیں۔
’ڈاکٹرز نے بتایا تھا کہ ایک عام آدمی کا دل کم از کم 55فیصد کام کرتا ہے جبکہ میرا دل 30 فیصد کام کررہا تھا‘۔
عابد علی نے اپنے مداحوں سے اپیل کی کہ وہ باقاعدگی سے اپنا چیک اپ کروائیں تاکہ کسی بڑے مسئلے کا سامنا نہ کرنا پڑے۔
یہ بھی پڑھیں: ٹیسٹ اوپنر عابد علی نے ہلکی پھلکی ورزش کا آغاز کردیا
حسن علی کے حوالے سے عابد علی کا کہنا تھا کہ ’یہ خبر سب سے زیادہ حسن علی کے لیے دھچکے کا سبب بنی تھی کیونکہ ہماری دوستی پرانی ہے‘۔
عابد علی نے اپنی جلد صحت یابی کی امید ظاہر کرتے ہوئے کہا کہ وہ دوبارہ نیٹ پریکٹس کا آغاز کرنا چاہتے ہیں کیونکہ کرکٹ ان کی زندگی کا انمول حصہ ہے اور وہ اس سے کسی صورت بھی دور نہیں رہ سکتے۔
دوسری جانب چیئرمین پی سی بی نے صحت یابی اور ری ہیب شروع کرنے پر عابد علی کو مبارکباد پیش کی اور انہیں دوبارہ خوش آمدید بھی کہا۔ رمیز راجہ کا کہنا تھا کہ وہ عابد علی کے چہرے پر مسکراہٹ دیکھ کربہت خوش ہیں۔
رمیز راجہ نے عابد علی کو ری ہیب مکمل کرنے کا مشورہ دیتے ہوئے کہا کہ ’اس واقعے سے ہم سب کو یہ سبق ملتا ہے کہ ایتھلیٹ ہوں یا کوئی عام فرد، انسان کو بعض اوقات احساس نہیں ہوتا کہ اس کے جسم میں کیا چل رہا ہے‘۔
اسے بھی پڑھیں: فرسٹ کلاس کرکٹ کے نمایاں اسکوررزمیں عابد علی کا تیسرا نمبر
چیئرمین پی سی بی نے مزید کہا کہ انہوں نے آئندہ ایسی کسی بھی ہنگامی صورتحال سے نمٹنے کے لیے کراچی اور لاہور میں ڈی فریبلیٹرز انسٹال کرنے کا حکم دے دیا ہے۔
یاد رہے کہ عابد علی کو گزشتہ ماہ کراچی میں قائداعظم ٹرافی کے آخری راؤنڈ کے میچ میں سینے کی تکلیف کے باعث اسپتال منتقل کیا گیا تھا جہاں ان کے دل کی دو شریانیں بند ہونے کی تشخیص ہوئی جس کے بعد ڈاکٹرز نے اُن کے دو اسسٹنٹ لگائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔