سول ایوی ایشن کی ڈومیسٹک مسافروں کے ٹکٹ پر شناختی کارڈ لازمی درج کرنے کی ہدایت

حکومت پاکستان کے احکامات کی روشنی میں سول ایوی ایشن نے ہدایت نامہ جاری کیا (فائل فوٹو)

---

CANBERRA: سول ایوی ایشن اتھارٹی (سی اے اے) نے تمام ایئرلائنز کو اندرونِ ملک سفر کے لیے ٹکٹوں پر مسافروں کے شناختی کارڈ لازمی درج کرنے کی ہدایت دے دی۔

ایکسپریس نیوز کے مطابق حکومت پاکستان کے احکامات کی روشنی میں سول ایوی ایشن نے ایئرلائنز کو ہدایت نامہ ارسال کیا، جس کا اطلاق فوری ہوگا۔

سی اے اے کے نوٹی فکیشن میں کہا گیا ہے کہ ائیر لائنز کو اندرون ملک سفر کے لئے ٹکٹوں پر مسافروں کا شناختی کارڈ لازمی درج کرنے ہوں گے۔

نوٹی فکیشن میں تمام ائیر لائنز اور ٹریول ایجنسیز کو دفاتر سے براہ راست یا آن لائن ٹکٹ بکنگ کے وقت مسافروں کے شناختی کارڈ نمبر حاصل کرنے کی ہدایت کی گئی ہے۔

سول ایوی ایشن کی جانب سے جاری نوٹی فکیشن میں واضح کیا گیا ہے کہ حکم نامے کی خلاف ورزی پر ایئرلائن کے خلاف کارروائی ہوسکتی ہے۔