واٹس ایپ کی صارفین کیلیے زبردست فیچر متعارف کرانے کی تیاری

ویب ڈیسک  جمعرات 27 جنوری 2022
نئے فیچر سے گروپ ایڈمن کے اختیارات مں اضافہ ہوگا(فوٹو:فائل)

نئے فیچر سے گروپ ایڈمن کے اختیارات مں اضافہ ہوگا(فوٹو:فائل)

سان فرانسسكو: دنیا بھر میں پیغام رسانی کے لیے استعمال ہونے والی موبائل ایپلیکیشن ‘واٹس ایپ’ اپنے صارفین کی دیرینہ خواہش پوری کرنے جارہی ہے۔

واٹس ایپ کی اپڈیٹ اور فیچرز پر نظر رکھنے والی ویب سائٹ ‘ڈبلیو اے بیٹا انفو’ کے مطابق واٹس ایپ گروپس میں ایڈمن کو کسی بھی ممبر کا چیٹ ڈیلیٹ کرنے کا اختیار بہت جلد فراہم کردیا جائے گا۔

واٹس ایپ گروپ کے جتنے بھی ایڈمن ہوں گے انہیں نئے فیچر کے تحت کسی بھی گروپ ممبر کا چیٹ ڈیلیٹ کرنے کا اختیار ہوگا۔

ویب سائٹ کا کہنا ہے یہ نئی سہولت بہت جلد صارفین کو فراہم کردی جائے گی۔ نیا فیچر اینڈرائیڈ اور آئی او ایس یوزرز دونوں کے لیے ہوگا۔

پیغام رسانی کی اس ایپ میں ممکنہ نئے فیچر کا مقصد گروپ ایڈمن کے اختیارات میں اضافہ کرنا ہے تاکہ وہ واٹس ایپ گروپ کو بہتر انداز میں چلا سکیں۔

واٹس ایپ پر چیٹ ڈیلیٹ کرنے کا آپشن کب تک فراہم کیا جائے گا اس کی حتمی تاریخ سامنے نہیں آئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔