شعیب اختر نے بھی ٹک ٹاک جوائن کرلیا

آخر کار میں بھی اب آپ سب کے پسندیدہ پیلٹ فارم ٹک ٹاک پر ہوں، شعیب اختر فوٹوفائل

---

راولپنڈی ایکسپریس کے نام سے مشہور پاکستانی کرکٹ اسٹار شعیب اختر نے بھی ویڈیو شیئرنگ ایپ ٹک ٹاک جوائن کرلیا۔

شعیب اختر نے ٹک ٹاک جوائن کرنے کی اطلاع ٹوئٹر پر دیتے ہوئے کہا، آخر کار، میں بھی اب آپ کے پسندیدہ پلیٹ فارم ٹک ٹاک پر ہوں۔ انہوں نے بتایا کہ وہ لیکن ذمہ داری کے ساتھ ٹک ٹاک پر کرکٹ اور دیگر چیزوں کے متعلق مواد اپ لوڈ کریں گے۔

انہوں نے ٹوئٹر پر اپنی پہلی ٹک ٹاک ویڈیو کا لنک بھی شیئر کیا اور لوگوں سے درخواست کی کہ انہیں ٹک ٹاک پر فالو کریں۔

شعیب اختر نے اپنی پہلی ویڈیو میں لوگوں کو ایک خوبصورت پیغام دیا کہ آپ کو انٹرنیٹ پر کچھ بھی اپ لوڈ کرنے سے پہلے ذرا رکنا پڑے گا اور سوچنا پڑے گا کہ آپ کے اس طرز عمل سے کسی کو کوئی نقصان تو نہیں پہنچ رہا، کسی کی دل آزاری تو نہیں ہورہی۔ سوچ سمجھ کر اپ لوڈ کیجئے اپنا بہت سارا خیال رکھئیے۔

شعیب اختر کے ٹک ٹاک اکاؤنٹ کو محض ایک دن میں 25 ہزار سے زائد لوگ فالو کرچکے ہیں جب کہ 87 ہزار سے زائد لوگ ان کی ویڈیوز کو پسند کرچکے ہیں۔

Finally, i am on your favorite platform #TikTok . Cricket & so much more, but with responsibility. Watch my first video & follow me!https://t.co/0D81FJPT6J

— Shoaib Akhtar (@shoaib100mph) February 7, 2022