ISLAMABAD: پاکستان کے خلاف تین میچوں پر مشتمل ون ڈے سیریز اور واحد ٹی ٹوئنٹی میچ کھیلنے کے لیے آسٹریلیا کا 14 رکنی اسکواڈ لاہور پہنچ گیا۔

خصوصی فلائٹ پر ایرون فنچ کی قیادت میں اسکواڈ علامہ اقبال انٹرنیشنل ایئرپورٹ پہنچا، جہاں انہیں سخت سیکیورٹی حصار میں لاہور کے نجی ہوٹل پہنچایا گیا۔

سیریز کا پہلا ون ڈے 29 مارچ، دوسرا 31 مارچ اور تیسرا دو اپریل کو قذافی اسٹیڈیم میں کھیلا جائے گا جبکہ واحد ٹی ٹوئنٹی بھی 5 اپریل کو اسی اسٹیڈیم میں کھیلا جائے گا۔

پاکستان اور آسٹریلیا کے درمیان لاہور میں ٹیسٹ سیریز کا آخری میچ جاری ہے۔