بی جے پی کے غنڈوں کا وزیراعلیٰ نئی دہلی کے گھر پر حملہ

پولیس نے بی جے پی کے 7 کارکنان کو حراست میں لے لیا۔ فوٹو: این ڈی ٹی وی

---

مودی کی جماعت بھارتیہ جنتا پارٹی کے کارکنوں نے نئی دہلی کے وزیراعلیٰ اروند کجروال کے گھر پر حملہ کردیا جسے عام آدمی پارٹی نے قاتلانہ حملہ قرار دیا ہے۔

بھارتی میڈیا کے مطابق نئی دہلی کے وزیراعلیٰ اروند کجروال کے فلم ''کشمیر فائلز'' کے خلاف تبصرے پر بھارتیہ جنتا پارٹی کے کارکنان نے ان کے گھر کے باہر احتجاجی مظاہرہ کیا۔

وزیراعلیٰ کے گھر پر تعینات پولیس اہلکاروں کے روکنے پر لوہے کی سلاخیں، ڈنڈے اور لاٹھیاں اُٹھائے بی جے پی کے مشتعل کارکنان نے سیکیورٹی اہلکاروں پر حملہ کردیا۔



مشتعل کارکنان نے وزیراعلیٰ کے گھر کے باہر لگے بیریئرز کو توڑ دیا اور ساتھ ہی رکاوٹ کے طور پر استعمال ہونے والے مرکزی سیاہ دروازے کو رنگ دیا۔ پولیس سے جھڑپ میں 3 اہلکار زخمی بھی ہوئے۔

پولیس کا کہنا ہے کہ 150 سے 250 کے درمیان مشتعل افراد نے وزیراعلیٰ کے گھر کے سامنے احتجاج کیا اور اندر داخل ہونے کی کوشش کی۔ 7 افراد کو حراست میں لے لیا گیا۔



عام آدمی پارٹی کے سینیئر رہنما نے میڈیا سے گفتگو میں کہا کہ مودی سرکار اروند کجروال کو الیکشن میں شکست نہ دے سکی تو انھیں قتل کرنے گھر پہنچ گئی۔

عام آدمی پارٹی نے نئی دہلی پولیس پر بھارتیہ جنتا پارٹی کی حمایت کا الزام عائد کرتے ہوئے کہا کہ پولیس نے خاطر خواہ حفاظتی انتطامات نہیں کیئے تھے۔

معاملہ کیا ہے ؟

مقبوضہ کشمیر پر بنی متنازع فلم ''کشمیر فائلز'' میں حقائق کو توڑ مروڑ کر پیش کیا گیا ہے۔ اس پروپیگنڈہ فلم کی ترویج اور فروغ کو بی جے پی نے اپنی انتخابی مہم کا حصہ بنایا تاکہ ہندو ووٹرز کی حمایت حاصل کرسکیں۔

بی جے پی کی جانب سے کشمیر فائلز کو نئی دہلی میں ٹیکس فری دکھانے کے مطالبے پر وزیراعلیٰ اروند کجروال نے اسمبلی میں کہا کہ اگر یہ فلم مفت میں دکھانا اتنا ہی ضروری ہے تو فلم بنانے والے اسے یوٹیوب پر ڈال دیں تاکہ ایک ہی روز میں سب اسے مفت میں دیکھ لیں۔

BJP wants #TheKashmirFiles to be tax free.

Why not ask @vivekagnihotri to upload the whole movie on YouTube for FREE?

-CM @ArvindKejriwal pic.twitter.com/gXsxLmIZ09

— AAP (@AamAadmiParty) March 24, 2022

اروند کجروال کے اس بیان کو ارکان کو اسمبلی میں ڈیسک بجاکر خوش آمدید کہا لیکن بھارتیہ جنتا پارٹی نے نفرت کی سیاست کے فروغ کے اپنے ایجنڈے پر عمل کرتے ہوئے وزیراعلیٰ پر کشمیری پنڈتوں کا مذاق اُڑانے کا الزام عائد کردیا۔

اسی الزام کے تحت نئی دہلی کی بی جے پی کی مقامی قیادت نے وزیراعلیٰ اروند کجروال کے گھر کے باہر احتجاجی مظاہر کیا تھا۔

واضح رہے کی عام آدمی پارٹی حالیہ الیکشن میں مودی کی جماعت کو ٹف ٹائم دیا۔ بی جے پی اور کانگریس کے بڑے بڑے برج عام آدمی پارٹی کے عام امیدواروں نے گرادیئے جب کہ پہلی بار ریاست پنجاب میں اپنا وزیر اعلیٰ بنانے میں کامیاب ہوگئے۔