بلوچستان میں خوفناک ٹریفک حادثہ، تین بہن بھائیوں سمیت 4 جاں بحق

 کوئٹہ: بلوچستان کے علاقے جیوا کے قریب گاڑی اور مسافر بس میں خوفناک تصادم ہوا، جس میں چار افراد جاں بحق ہوگئے۔

ایکسپریس نیوز کے مطابق کراچی اور کوئٹہ کے درمیان واقع قومی شاہراہ پر جیوا کے قریب کار اور وین کے درمیان تصادم ہوا، جس میں تین بہن بھائیوں سمیت 4 افراد جاں بحق ہوئے۔

حادثے میں تیرہ مسافر زخمی ہوئے جنہیں خضدار کے ٹیچنگ اسپتال منتقل کردیا گیا ہے۔ ذرائع کے مطابق کار میں ایک ہی خاندان کے پانچ افراد سوار تھے جن میں سے 4 جاں بحق ہوگئے جبکہ ایک کی حالت تشویشناک ہے۔