- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ڈپٹی اسپیکر کی جانب سے پنجاب اسمبلی کا اجلاس آج طلب، اسپیکر نے غیر آئینی قرار دیدیا
لاہور: ڈپٹی اسپیکر دوست محمد مزاری نے پنجاب اسمبلی کا اجلاس آج شام ساڑھے سات بجے طلب کرلیا جبکہ ترجمان اسپیکر پنجاب اسمبلی نے اجلاس کو غیر آئینی قرار دے دیا۔
ڈپٹی اسپیکر سردار دوست مزاری نے رات گئے اجلاس بلانے کا نوٹیفکیشن جاری کیا۔ انہوں نے اجلاس طلب کرنے کی تصدیق کرتے ہوئے بتایا کہ سپریم کورٹ میں ایڈووکیٹ جنرل نے اجلاس آج ہونے کی یقین دہانی کرائی تھی، میں نے اپنے وکیل سے مشورہ کرنے کے بعد اجلاس طلب کرنے کا فیصلہ کیا، آج اجلاس میں وزیراعلیٰ پنجاب کا انتخاب ہوگا۔
دوسری جانب ترجمان اسپیکر پنجاب اسمبلی ڈاکٹر زین علی بھٹی کی جانب سے جاری بیان کے مطابق اجلاس آج نہیں 16 اپریل کو ہوگا، آج طلب کیے جانے والے اجلاس کا کوئی نوٹی فکیشن نہیں ہے، ڈپٹی اسپیکر کی طرف سے طلب کیا گیا اجلاس غیر آئینی ہے، آفیشل لیٹر جب تک جاری نہیں ہوتا اس وقت تک پہلا آرڈر رہے گا، گزشتہ اجلاس میں توڑ پھوڑ کی وجہ سے مرمت کا کام جاری ہے۔
یہ بھی پڑھیں: نئے وزیراعلیٰ کا انتخاب؛ پنجاب اسمبلی کا اجلاس 16 اپریل تک موخر
اس بیان پر ردعمل میں ڈپٹی اسپیکر پنجاب اسمبلی سردار دوست محمد مزاری نے کہا کہ یہ جعلی نہیں بلکہ اصلی نوٹی فکیشن ہے اور میرے دستخط سے جاری ہوا ہے، آج پنجاب اسمبلی کا اجلاس بالکل ہوگا،سپریم کورٹ کے حکم پر اجلاس بلایا ہے کیونکہ ایڈووکیٹ جنرل نے کل سپریم کورٹ کو بیان دیا تھا، 16 اپریل والا بھی میرا ہی نوٹیفیکیشن تھا جسے ختم کردیا گیا ہے، ن لیگ میں جانے کی بات غلط ہے۔
یہ بھی پڑھیں: وزیراعلیٰ کا الیکشن آئین کے مطابق ہونا ضروری ہے، کل پنجاب اسمبلی کی اپ ڈیٹ لیں گے، چیف جسٹس
ادھر اسمبلی سیکرٹریٹ میں غیر معمولی سرگرمیاں ہورہی ہیں۔ اسمبلی سیکرٹریٹ کے اندر پولیس کی بھاری نفری تعینات کر دی گئی اور پنجاب اسمبلی کو سیل کرنے کی اطلاعات ہیں۔
اسپیکر چوہدری پرویز الٰہی کی ہدایت پر پنجاب اسمبلی میں میڈیا کے داخلے پر پابندی لگادی گئی۔ اسمبلی سیکورٹی نے میڈیا کو مین گیٹ پر ہی روکتے ہوئے کہا ہے کہ اسپیکر کی ہدایت کی روشنی میں میڈیا اسمبلی کے اندر نہیں جاسکتا۔ اسمبلی سیکرٹریٹ میں کیا ہو رہا ہے عوام اور میڈیا لاعلم ہیں۔
ترجمان پنجاب اسمبلی کے مطابق اسپیکر پرویز الہی نے ڈپٹی اسپیکر کو تفویض کردہ تمام اختیارات واپس لے لیے، ڈپٹی اسپیکر کے اجلاس بلانے کے احکامات کو غیر موثر قرار دے دیا گیا، اجلاس بلانے کے اقدامات غیر قانونی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔