خانہ کعبہ جانے کی بہت خواہش ہے لیکن آج تک نہیں جاسکی، عائشہ عمر

لاہور: اداکارہ عائشہ عمر کا کہنا ہے کہ وہ بہت خواہش کے باوجود آج تک خانہ کعبہ نہیں جاسکیں۔

عائشہ عمر حال ہی میں نعمان اعجاز کے آن لائن شو ’’جی سرکار‘‘ میں شریک ہوئیں۔ عائشہ عمر کا شو میں شرکت کا ایک مختصر ویڈیو کلپ سوشل میڈیا پر وائرل ہورہا ہے جس میں میزبان نعمان اعجاز ان سے پوچھتے ہیں کہ وہ کون سی جگہ ہے جہاں آپ بہت خواہش کے باوجود ابھی تک نہیں جاسکیں؟

عائشہ عمر نے اس سوال کے جواب میں کہا ’’خانہ کعبہ‘‘۔ عائشہ نے کہا میں انشااللہ اگلے سال خانہ کعبہ ضرور جاؤں گی۔ نعمان اعجاز نے پوچھا اس کے بعد آپ کی زندگی میں کوئی تبدیلی آئے گی؟ تو عائشہ نے کہا بالکل آئے گی۔

View this post on Instagram

A post shared by Entertainment Popcorn (@entertainment_popcorn)