حریم شاہ کو عدالت سے مسلسل غیرحاضری مہنگی پڑگئی

حریم شاہ نے ایف آئی اے کی انکوائری کے خلاف درخواست دائرکی تھی:فوٹو:فائل

---

سندھ ہائیکورٹ نے مسلسل غیرحاضری پرٹک ٹاکر حریم شاہ کی ایف آئی اے کیخلاف درخواست مسترد کردی۔

سندھ ہائی کورٹ میں ایف آئی اے کی کارروائی کے خلاف حریم شاہ کی درخواست کی سماعت ہوئی۔عدالت نے حریم شاہ کے وکیل سےاستفسار کیا کہ عدالتی حکم کے باوجود درخواست گزارکیوں پیش نہیں ہوئیں تو وکیل نے جواب دیا کہ حریم شاہ عمرے کی ادائیگی کے لئے گئی ہوئی ہیں۔

حریم شاہ کے وکیل نے عدالت کوبتایا کہ ان کے بینک اکاؤنٹس اورسوشل میڈیا اکاؤنٹس منجمد کردئیے گئے ہیں۔

سندھ ہائیکورٹ نے مسلسل غیرحاضری پرحریم شاہ کی درخواست مسترد کردی۔ عدالت نے کہا کہ حریم شاہ واپس آئیں تو نئی درخواست دائرکرسکتی ہیں۔