برینڈن میک کولم انگلینڈ ٹیسٹ ٹیم کے ہیڈکوچ منتخب

 لندن: نیوزی لینڈ کرکٹ ٹیم کے سابق کپتان برینڈن میک کولم کو انگلینڈ ٹیسٹ ٹیم کا ہیڈکوچ منتخب کرلیا گیا۔

انگلیںڈ اینڈ ویلز کرکٹ بورڈ نے سابق کیوی کرکٹر برینڈن میک کولم کو انگلیںڈ کرکٹ ٹیم کا ٹیسٹ کوچ بنانے کی تصدیق کرتے ہوئے عزم کا اظہار کیا کہ امید ہے میک کولم کی کوچنگ انگلش ٹیم کامیابیوں کی نئی منازل طے کرے گی جبکہ ڈریسنگ روم کا موحول بھی خوشگوار رہے گا۔

اس موقع پر سابق کیوی کپتان میک کولم نے کہا کہ انگلینڈ کے ٹیسٹ کرکٹ کے سیٹ اپ میں مثبت کردار ادا کرنے اور ٹیم کو مزید کامیابیاں دلانے کا موقع ملا ہے جس پر مجھے خوشی ہے تاہم ٹیم کو درپیش اہم چیلنجوں سے بخوبی واقف ہوں۔

سابق کیوی کپتان رواں ماہ کے آخر میں برطانیہ پہنچیں گے جبکہ وہ اس وقت انڈین پریمئیر لیگ (آئی پی ایل) میں کولکتہ نائٹ رائیڈرز کی کوچنگ کے فرائض نبھارہے ہیں۔

Say hello to our new boss! 👋@Bazmccullum | #EnglandCricket pic.twitter.com/T6CiX5OgE5

— England Cricket (@englandcricket) May 12, 2022

واضح رہے کہ کیوی کرکٹر سال 2020 کیریبین پریمیئر لیگ ٹائٹل کے لیے ٹرینباگو نائٹ رائیڈرز کی کوچنگ کرچکے ہیں۔ کیوی ٹیم کی نمائندگی کرتے ہوئے میک کولم نے 101 ٹیسٹ میچز کھیلے جبکہ 2012 سے 2016 تک وہ نیوزی لیںڈ کرکٹ ٹیم کے کپتان رہے۔

اس سے قبل انگلیںڈ کرکٹ ٹیم کی کوچنگ کے لیے گیری کرسٹن اور پال کالنگ ووڈ کے نام زیر گردش تھے۔

یاد رہے کہ رواں سال فروری میں ایشز سیریز میں انگلینڈ کے ہاتھوں بدترین شکست کے بعد کرس سلورووڈ نے اس عہدے سے استعفیٰ دے دیا تھا جس کے بعد پال کالنگ ووڈ کو نگراں کوچ کے طور مقرر کیا گیا تھا۔

نومنتخب ٹیسٹ ٹیم کے کوچ میک کولم انگلینڈ اور نیوزی لینڈ کی ٹیموں کے درمیان اگلے ماہ جون میں 3 میچز پہلا اسائمنٹ ہوگی۔