ابوظبی کے ریسٹورنٹ میں گیس سلینڈر دھماکا،2 افراد ہلاک

ویب ڈیسک  منگل 24 مئ 2022
گیس سلینڈر دھماکے سے متعدد دکانیں تباہ ہوگئیں، حکام:فوٹو:انٹرنیٹ

گیس سلینڈر دھماکے سے متعدد دکانیں تباہ ہوگئیں، حکام:فوٹو:انٹرنیٹ

ابوظبی کے ریسٹورنٹ میں گیس سلینڈر دھماکے میں 2 افراد ہلاک اور120 زخمی ہوگئے۔

عرب میڈیا کے مطابق متحدہ عرب امارات کے دارالحکومت ابوظبی کے ایک ریسٹورنٹ میں گیس سلینڈر دھماکے سے 2افراد ہلاک اور120 زخمی ہوگئے۔دھماکے کے زخمیوں کواسپتال منتقل کردیا گیا۔

حکام کا کہنا ہے کہ دھماکے سے متعدد دکانوں کو نقصان پہنچا اورقریبی عمارتوں کے شیشے ٹوٹ گئے۔احتیاطی تدابیرکے طورپردھماکے سے متاثر عمارت کی قریب 4 رہائشی عمارتوں کو بھی خالی کرالیا گیا۔واقعہ کی مزید تحقیقات جاری ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔