اقوام متحدہ جعلی خبروں کی روک تھام کیلئے ٹاسک فورس قائم کرے، بلاول

ویب ڈیسک  جمعـء 24 جون 2022
—فائل فوٹو

—فائل فوٹو

 اسلام آباد: وزیر خارجہ بلاول بھٹو زرداری نے اقوام متحدہ کے سیکریٹری جنرل سے مطالبہ کیا ہے کہ وہ جعلی معلومات کے سدباب اور اس کے خلاف مجموعی سماجی رویہ پیدا کرنے کے لے ’انٹر ایجنسی ٹاسک فورس‘ قائم کریں۔

گروپ آف فرینڈز کے ایک ورچوئل اجلاس سے خطاب کرتے ہوئے انہوں نے اقوام متحدہ پر بھی زور دیا کہ وہ رکن ممالک، نجی میڈیا اور آن لائن کمپنیوں اور دیگر اسٹیک ہولڈرز کے ساتھ بات چیت کرکے فوکل پرسن مقرر کرے۔

https://twitter.com/appcsocialmedia/status/1539974918120452101?ref_src=twsrc%5Etfw%7Ctwcamp%5Etweetembed%7Ctwterm%5E1539974918120452101%7Ctwgr%5E%7Ctwcon%5Es1_&ref_url=https%3A%2F%2Ftribune.com.pk%2Fstory%2F2362954%2Fbilawal-urges-un-to-establish-task-force-for-curbing-fake-news

ریڈیو پاکستان کی رپورٹ کے مطابق وزیر خارجہ نے بین الاقوامی برادری پر زور دیا کہ وہ حکومتوں اور ان کے متعلقہ اداروں کی غلط معلومات کا سراغ لگانے، تجزیہ کرنے اور اسے بے نقاب کرنے کی صلاحیت پیدا کرے۔

وزیر خارجہ نے کہا کہ قومی اور بین الاقوامی محققین اور ان اداروں کو مالی اور تکنیکی مدد فراہم کی جانی چاہیے جو غلط معلومات کا پتہ لگانے میں مدد گار ثابت ہوں۔ انہوں نے کہا کہ اقوام متحدہ کا محکمہ اطلاعات اس سلسلے میں ایک اہم کردار ادا کر سکتا ہے۔

https://twitter.com/PakistanUN_NY/status/1539993043851427841?ref_src=twsrc%5Etfw%7Ctwcamp%5Etweetembed%7Ctwterm%5E1539993043851427841%7Ctwgr%5E%7Ctwcon%5Es1_&ref_url=https%3A%2F%2Ftribune.com.pk%2Fstory%2F2362954%2Fbilawal-urges-un-to-establish-task-force-for-curbing-fake-news

 

بلاول بھٹو زرداری نے اس بات پر زور دیا کہ ٹھوس بین الاقوامی کوششیں ڈس انفارمیشن نیٹ ورکس کو بے نقاب اور ختم کرنے میں مدد کر سکتی ہیں۔ انہوں نے انسانی حقوق اور کمیونٹی اور ریاستوں کے درمیان تعلقات پر غلط معلومات کے منفی اثرات کو کم کرنے کے لیے تعاون کے ذریعے ٹھوس کوششوں پر بھی زور دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔