اسلام آباد میں مسلح افراد تین ساتھیوں کو تھانے سے چھڑا کر لے گئے

ویب ڈیسک  بدھ 6 جولائی 2022
فوٹو فائل

فوٹو فائل

 اسلام آباد: وفاقی دارالحکومت میں مسلح افراد اپنے تین ساتھیوں کو پولیس کی حراست سے چھڑا کر لے گئے۔

ایکسپریس نیوز کے مطابق اسلام آباد کے تھانہ گولڑہ کی پولیس نے ڈکیتی کی وارداتوں میں ملوث تین افراد کو گرفتار کیا تھا جنہیں مسلح افراد تھانے سے چھڑا کر فرار ہوئے۔

پولیس ذرائع کے مطابق ‏ملزمان فائرنگ کرتے ہوئے ہتھکڑیوں میں جکڑے ساتھیوں کو لیکر رفو چکر ہوگئے، مسلح افراد کی سیدھی فائرنگ کے جواب میں پولیس ہوائی فائرنگ کر کے ملزمان کو روکنے کی کوشش کرتی رہی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔