پانی میں مضبوط گرفت کیلئے آکٹوپس کے بازو جیسا دستانہ ایجاد

یہ ایجاد زیر آب دریافت اور ہیلتھ کیئر کے لیے ممکنہ طور پر کارآمد ثابت ہوگی

---

LONDON: آکٹوپس کے بازوؤں سے متاثر ہوکر انجینئرز نے ایک نئے قسم کا دستانہ بنایا ہے جس کو پہننے والا پانی میں کسی شے کے اوپر ہاتھ رکھ کر اس کو اپنی گرفت میں لے سکتا ہے۔

جرنل سائنس ایڈوانسز میں شائع ہونے والی تحقیق میں بتایا گیا ہے کہ یہ 'اوکٹا-گلوو' زیرِ آب اشیاء کو سختی سے گرفت میں لے سکتا ہے۔ یہ ایجاد زیر آب دریافت اور ہیلتھ کیئر کے لیے ممکنہ طور پر کارآمد ثابت ہوگی۔

اس مسئلے کے حل کے طور پر سائنس دانوں نے آکٹوپس کے بازوؤں کو ذہن میں رکھ کر'اوکٹا-گلوو' بنایا۔آکٹوپس کے بازوؤں میں موجود غدود تیزی کے ساتھ فعال ہوتے ہیں اور ضرورت کے وقت گرفت فراہم کرتے ہیں۔

یہ دستانہ آکٹوپس کے ان غدود کے طور پر ہی کام کرتا ہے اور کم دباؤ کا استعمال کرتے ہوئے اشیاء پر گرفت قائم کرلیتا ہے جو سپاٹ اور خم دار دونوں سطحوں کے لیے بہترین ہے۔

Inspired by the unique functions of octopus tentacles, @VTEngineering #Hokies developed a glove with powerful underwater gripping abilities. The “Octa-Glove” has the potential to improve the work of water rescue teams, archeologists, and more. 🐙➡️ https://t.co/cSrJdVq9fT pic.twitter.com/kz4fupu9Xg

— Virginia Tech (@virginia_tech) July 13, 2022

ان غدود کے بیرونی کنارےاشیاء سے چپک جاتے ہیں جس کے بعد بازو کے پٹھے سکڑتے ہیں اور غدود کے اندر کے پیالی نما حصے کو ڈھیلا چھوڑ دیتے ہیں تاکہ غدود کے اندر دباؤ کو بڑھایا یا کم کیا جاسکے۔

اس کی وجہ سے آکٹوپس اپنے بازوؤں سے اتنی مضبوطی سے چیزیں پکڑتے ہیں کہ چیزوں کا چھڑایا جانا مشکل ہوتا ہے۔