سندھ بلوچستان زمینی رابطہ منقطع نہیں ہوا ترجمان این ایچ اے کی وضاحت

شدید بارشوں اور سیلاب کے باعث حب پل منہدم ہوگیاہے (فوٹو فائل)

---

DUBAI: نیشنل ہائی وے اتھارٹی نے سندھ اور بلوچستان کے درمیان زمینی رابطہ منقطع ہونے کے حوالے سے جاری خبروں کی تردید کردی۔

ترجمان این ایچ اے کے مطابق سندھ اور بلوچستان کے درمیان زمینی رابطہ منقطع ہو جانے کی خبریں درست نہیں۔ شدید بارشوں اور سیلاب کے باعث حب پل منہدم ہوگیاہے،تاہم حب بائی پاس کو متبادل محفوظ راستے کے طور پر استعمال کیا جارہاہے۔

ترجمان نیشنل ہائی وے اتھارٹی کے مطابق حب بائی پاس 11 کلومیٹر طویل ہے، جو موضع بیروٹ(مکی مسجد) سے شروع ہوکر کسٹم چیک پوسٹ پر قومی شاہراہ سے ملتا ہے۔

وضاحتی بیان کے مطابق نئے پل کی تعمیر کے لیے ماہرین سے مشاورت کا عمل شروع کردیا گیا۔