چکلالہ کرکٹ گراؤنڈ کی تزئین وآرائش،آرمی چیف نے افتتاح کیا

 اسلام آباد: پاک فوج کے سربراہ جنرل قمر جاوید باجوہ نے چکلالہ کرکٹ گراؤنڈ کے نام سے نئے تعمیر شدہ 501سینٹرل ورکشاپ کرکٹ گراؤنڈ کا افتتاح کردیا۔

آئی ایس پی آر کے مطابق کرکٹ گراؤنڈ کو اپ گریڈ کیاگیاہے تاکہ کرکٹ شائقین بالخصوص راولپنڈی اور اسلام آباد کے نوجوانوں کو جدید ترین کھیلوں کی سہولت فراہم کی جا سکے۔

سپورٹس گراو’نڈ راولپنڈی اور اسلام آباد کے طلبا اور کرکٹ کلبوں کو کرکٹ کے کھیل کے فروغ اور صحت مند کھیلوں کا ماحول فراہم کرنے کے لیے دستیاب ہوگا،آئی ایس پی آر کاکہناہے کہ آرمی چیف نے پرانے کرکٹ گراؤنڈ کی تزئین و آرائش اور شہر میں کرکٹ کی بہترین سہولت فراہم کرنے پر راولپنڈی کور کی کاوشوں کو سراہا۔