متنازع ٹویٹ پر گرفتار سینیٹر اعظم سواتی کو رہا کردیا گیا

ویب ڈیسک  ہفتہ 22 اکتوبر 2022
اعظم سواتی کی جیل سے رہائی کے بعد استقبال کا منظر (فوٹو : اسکرین گریب)

اعظم سواتی کی جیل سے رہائی کے بعد استقبال کا منظر (فوٹو : اسکرین گریب)

 راولپنڈی: متنازع ٹویٹ کے جرم میں گرفتار تحریک انصاف کے سینیٹر اعظم سواتی کو ضمانت پر رہا کردیا گیا۔

ایکسپریس نیوز کے مطابق متنازع ٹویٹ کے بعد سائبر کرائم کے مقدمے میں گرفتار سینیٹر اعظم خان سواتی کو عدالتی حکم کے بعد راولپنڈی کی سینٹرل جیل اڈیالہ سے ضمانت پر جیل سے رہا کردیا گیا۔

ذرائع کے مطابق ان کی رہائی کے وقت پارٹی کا کوئی رہنما نہیں پہنچا، رہائی کے بعد وہ اپنے پی اے محمد طفیل کے ساتھ اسلام آباد روانہ ہوگئے۔ ان کی رہائی دس لاکھ روپے کے ضمانتی مچلکے پر عمل میں آئی ہے۔ اسپیشل جج سینٹرل راجہ آصف محمود نے گزشتہ روز اعظم سواتی کی ضمانت منظور کی تھی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔