ماہرہ خان نے بھارتی فلم فیسٹیول میں ’بہترین اداکارہ‘ کا ایوارڈ اپنے نام کرلیا

ماہرہ خان اور زاہد احمد کی اس مختصر فلم کو 2021 میں ریلیز کیا گیا تھا(فائل فوٹو)

---

ماہرہ خان نے مختصر فلم 'پرنس چارمنگ' کے لیے بھارتی فلم فیسٹیول میں بہترین اداکارہ کا ایوارڈ جیت لیا۔

پاکستان کی سب سے بڑی سپر اسٹارماہرہ خان حال ہی میں نئی دہلی میں منعقد ہونے والے 'انڈس ویلی انٹرنیشنل فلم فیسٹیول' میں اپنی شارٹ فلم'پرنس چارمنگ' کیلئے بہترین اداکارہ کا ایوارڈ حاصل کرنے میں کامیاب ہوگئیں۔

اس مختصر فلم کو گزشتہ سال پاکستانی سپراسٹار شہریار منور نے بطور رائٹر اور پیش کیا تھا جس میں ماہرہ خان اور زاہد احمد پہلی بار ایک ساتھ جلوہ گر ہوئے تھے۔

View this post on Instagram

A post shared by Sheheryar Munawar Siddiqui (@sheheryarmunawar)

پرنس چارمنگ کو بہت منفرد اور تخلیقی انداز میں پیش کیا گیا تھا جس کی کہانی شادی کے بعد کے ڈپریشن پر مبنی ہےجو کہ ہمارے جدید دور میں ایک بہت ہی حقیقی مسئلہ ہے۔

 

 

 

View this post on Instagram

 

 

A post shared by Mahira Khan (@mahirahkhan)

ماہرہ خان کا کہنا ہے کہ 'یہ ایوارڈ ان تمام خواتین کو دیا جاتا ہے جو شادی کے بعد ڈپریشن کا شکار ہیں اور اسے خاموشی سے برداشت کر رہی ہیں'۔

ماہرہ خان کا کہنا تھا کہ'ہمارا معاشرہ اس پر بات نہیں کرتا، ہم ایسے موضوعات کو ممنوع سمجھتے ہیں اور پھر بھی ہم یہاں ہیں۔ مجھے خوشی ہے کہ اس کردار نے سامعین کے دلوں کو چھو لیا، یہ ان کرداروں میں سے ایک ہے جو ہمیشہ میرے دل کے قریب رہے گا۔ میں اپنے پیارے دوست شہریار منور کا شکریہ ادا کرنا چاہتا ہوں کہ انہوں نے مجھ پر اعتماد کیا'۔