فیفا ورلڈکپ؛ مراکش کو فتحیاب کروانے والے اشرف حکیمی کون ہیں؟

ویب ڈیسک  بدھ 7 دسمبر 2022
گزشتہ روز پینلٹی کک پر گول کرکے اپنے ملک کو پہلی بار کواٹر فائنل تک پہنچایا (فوٹو: ٹوئٹر)

گزشتہ روز پینلٹی کک پر گول کرکے اپنے ملک کو پہلی بار کواٹر فائنل تک پہنچایا (فوٹو: ٹوئٹر)

دوحا: فیفا ورلڈکپ کے گروپ میچز میں بیلجیم کیخلاف فتح دلوانے کے بعد عالمی منظر نامے پر اُبھرتے ہوئے مراکش کے فٹبالر اشرف حکیمی نے تاریخ رقم کرتے ہوئے اپنی ٹیم کو پہلی بار ایونٹ کے کواٹر فائنل میں پہنچادیا۔

اشرف حکیمی 4 نومبر 1988 کو اسپین کے شہر میڈرڈ میں پیدا ہوئے، وہ دوہری شہریت کے حامل مراکشی فٹبالر ہیں۔ انہوں نے اسپین کی طرف سے فٹبال کھیلنے کے بجائے اپنے آباؤ اجداد کے ملک مراکش سے کھیلنے کو ترجیع دی۔

مراکش نے 0-3 کے کامیاب شوٹ آؤٹ سے کامیابی حاصل کی اور اشرف حکیمی بھاگ کر شائقین میں سب کو چھوڑ کر اپنی والدہ کے پاس پہنچے جنھوں نے ان کے گال پر بوسہ دیا۔ یہ تصویر گزشتہ روز سے سوشل میڈیا پر وائرل ہورہی ہیں۔

مزید پڑھیں: فیفا ورلڈکپ؛ مراکشی فٹبالر کی والدہ کیساتھ تصاویر سوشل میڈیا پر وائرل

اشرف حکیمی کی والدہ لوگوں کے گھروں میں کام کرتی تھیں جبکہ انکے والد سڑکوں پر پھیری لگاتے تھے، ہم بہت مشکل زندگی جیتے تھے۔ آج اس مقام پر اپنے والدین کی وجہ سے ہوں، انہوں نے میرے لیے بہت قربانیاں دی ہیں۔

اسٹار فٹبالر نے پہلا میچ 2016 میں رائل کلب کے ساتھ ایک دوستانہ مقابلہ تھا جس نے انہیں کیپیٹل کلب پیرس سینٹ جرمن کے ساتھ منسلک کردیا۔ وہ رئیل میڈرڈ کے ساتھ کئی ٹائٹل حاصل کرنے میں کامیاب رہے اور 2018 ورلڈکپ میں شرکت کرنے والی مراکش کی قومی ٹیم میں بھی شرکت کی۔

https://twitter.com/ESPNFC/status/1600199651969335331

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔