تو آپ کا مطلب ہے کہ ہم ٹیسٹ چھوڑ دیں؟ بابر اعظم

کراچی: ’تو آپ کا مطلب ہے کہ ہم ٹیسٹ چھوڑ دیں؟‘ کپتان بابر اعظم ٹی 20 کرکٹ پر توجہ دینے کے سوال کا برا مان گئے۔

ملتان ٹیسٹ میں شکست کے بعد میڈیا کانفرنس میں کپتان بابر اعظم سے سوال ہوا کہ شائقین کا کہنا ہے کہ آپ اور رضوان کو ٹی 20 کرکٹ پر توجہ دینا چاہیے کیونکہ اس میں جب آپ دونوں آؤٹ ہوتے ہیں تو باقی ٹیم ڈھیر ہوجاتی ہے، بابر نے ان کی بات کاٹتے ہوئے کہا کہ تو آپ کہہ رہے کہ ہم ٹیسٹ چھوڑ دیں؟

رپورٹر نے اپنا سوال جاری رکھتے ہوئے کہا کہ کیا آپ اس بارے میں سوچ رہے ہیں کہ ٹی 20 میں جانا چاہیے، اس پر بابر نے کہا کہ ہم ایسا کچھ نہیں سوچ رہے۔