- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
کراچی میں ڈکیتی مزاحمت پر این ای ڈی کا طالب علم جاں بحق
کراچی: یونیورسٹی روڈ پر این ای ڈی کے طالبعلم کو ڈاکوؤں نے مزاحمت پر سفاکیت کے ساتھ سینے اور ٹانگ پر گولی مار کر زندگی سے محروم کر دیا۔
ایکسپریس نیوز کے مطابق یونیورسٹی روڈ پر این ای ڈی کے طالبعلم کو ڈاکوؤں نے مزاحمت کرنے پر سینے اور ٹانگ پر گولی مار کر موت کے گھاٹ اتار دیا اور موقع سے فرار ہوگئے۔
پولیس نے مقتول کی لاش ضابطے کی کارروائی کے لیے عباسی شہید اسپتال منتقل کی جہاں نوجوان کی شناخت 21 سالہ بلال ولد ناصر کے نام سے کی گئی۔
پولیس نے دعویٰ کیا ہے 2 میں سے ایک ڈاکو نے افغانستان کے جھنڈے والی پی کیپ پہنی ہوئی تھی جبکہ پولیس کو جائے وقوعہ سے گولیوں کے 2 خول ملے ہیں۔
مقتول بلال این ای ڈی یونیورسٹی میں پیٹرولیم ٹیکنالوجی میں تھرڈ ایئر کا طالب علم اور فیڈرل بی ایریا دستگیر سوسائٹی کا رہائشی تھا جب کہ وہ 4 بھائیوں میں سب سے چھوٹا تھا۔
رپورٹ کے مطابق شہر میں دنداناتے ہوئے ڈاکوؤں نے پولیس کی رٹ کو چینلج کیا ہوا ہے، روزانہ کی بنیاد پر پولیس کے مبینہ مقابلوں اور زخمی ڈاکوؤں کی گرفتاریوں کے باوجود شہری ڈاکوؤں کے رحم و کرم پر ہیں، جس میں اکثریت غیر مقامی جرائم پیشہ عناصر کی ہے جو اس شہر کے باسیوں کی انتہائی معمولی سی مزاحمت پر بھی جان لینے سے دریغ نہیں کر رہے۔
شہر میں سفارش اور علاقوں سے ناواقف ایس ایچ اوز کی تعیناتی نے شہر کو ڈاکوؤں کی آماجگاہ بنا دیا ہے، رواں ماہ کے 15 روز میں ڈاکوؤں نے مجموعی طور پر این ای ڈی کے طالبعلم سمیت 6 شہریوں کو ڈکیتی کے دوران مزاحمت پر ابدی نیند سلا دیا جب کہ 30 سے زائد شہریوں کو مزاحمت پر فائرنگ کر کے زخمی کر دیا۔
پولیس کے افسران شہر میں اسٹریٹ کرائم کی وارداتوں میں کمی کے دعوے کرتے نہیں تھکتے تو دوسری جانب نوجوان سمیت ہر عمر کا شہری ڈاکوؤں کی سفاکانہ فائرنگ کا نشانہ بن رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔