میسی فیفا ورلڈکپ 2022 کے بہترین کھلاڑی قرار

دوحہ: قطر میں کھیلے جانے والے فیفا ورلڈکپ 2022 کے بہترین فٹبالر کا ایوارڈ لونل میسی نے اپنے نام کرلیا۔

فیفا ورلڈکپ کے فائنل کے بعد تقریب تقسیم انعامات میں لیونل میسی کو پلئیر آف دی ٹورنامنٹ کا ایوارڈ دیا گیا جبکہ ارجنٹینا کے گول کیپر کو ایونٹ کا بہترین گول کیپر قرار دیا گیا۔

ارجنٹینا کے اینزو فرنانڈز نوجوان کھلاڑی برائے ٹورنامنٹ رہے جبکہ فائنل میں ہیٹ ٹرک کرنے والے دنیائے فٹبال کے دوسرے کھلاڑی فرانس کے ایمباپے گولڈن بوٹ کا ایوارڈ لے اڑے۔

Lionel Messi hugs his mother ❤️ #FIFAWorldCup pic.twitter.com/Hz6uGV32ZX

— Farid Khan (@_FaridKhan) December 18, 2022

واضح رہے کہ فیفا ورلڈکپ 2022 کے فائنل کا فیصلہ پنلٹی شوٹ پر ہوا، جس میں ارجنٹینا نے دو کے مقابلے میں چار گول سے فتح اپنے نام کی۔

ارجنٹائن کے فٹبالر لیونل میسی کا خواب تھا کہ وہ اپنی ٹیم کو فاتح بنائیں یوں ارجٹینا نے فرانس کو شکست دے کر تیسری بار عالمی چیمپئن بننے کا اعزاز اپنے نام کیا اور لیونل میسی کا خواب شرمندہ تعبیر ہوگیا۔

https://twitter.com/plstreaminglive/status/1604548629616001024?s=20&t=ve-NCYRkR_FEyW83PPIjzQ

ارجنٹینا کی جیت پر قطر کے دارالحکومت دوحہ کے لوسیل اسٹیڈیم میں شاندار آتش بازی کا مظاہرہ کیا گیا جبکہ فرانس کے کھلاڑی اور تماشائی شکست پر جذباتی بھی نظر آئے جن کو حوصلہ دینے کے لیے فرانسیسی صدر میدان میں آئے اور کھلاڑیوں کو گلے لگا کر داد دی۔

میسی کو ٹرافی سے قبل عرب روایت کا خاصہ جبہ پہنایا گیا جس کے بعد انہیں ٹرافی دی گئی جبکہ ارجنٹائن کے اسٹار فٹبالر میچ کے بعد اسٹیڈیم میں اپنی والدہ سے گلے مل کر جذباتی بھی ہوئی، جس کی ویڈیو سوشل میڈیا پر وائرل ہوگئی۔