بھارت میں دو اسکول بسیں حادثے کا شکار؛ 15 طلبا کی ہلاکت کا خدشہ

منی پور: بھارتی ریاست منی پور میں سالانہ مطالعاتی دورے پر جانے والی اسکول کی دو بسیں حادثے کا شکار ہوگئیں جس کے نتیجے میں کم از کم 15 طلبا کی ہلاکت کا خدشہ ہے جب کہ درجن سے زائد زخمی ہیں۔

بھارتی میڈیا کے مطابق ریاست منی پور کے علاقے یاریپوک کے تھمبالنو ہائر سیکنڈری اسکول کے طلبا دو بسوں میں سوار ہو کر مطالعاتی دورے کے لیے تاریخی مقام کھوپم جارہے تھے۔

ایک مقام پر دونوں بسیں قابو سے باہر ہوگئیں اور الٹ گئیں۔ حادثہ اتنا خوفناک تھا کہ متعدد طلبا موقع پر ہی جان کی بازی ہار گئے جب کہ درجن سے زائد شدید زخمی ہیں۔

اسپتال انتظامیہ نے 8 ہلاکتوں کی تصدیق کی ہے تاہم عینی شاہدین نے میڈیا کو بتایا کہ کم از کم 15 طلبا موقع پر ہلاک ہوگئے تھے۔

Deeply saddened to hear about the accident of a bus carrying school children at the Old Cachar Road today. SDRF, Medical team and MLAs have rushed to the site to coordinate the rescue operation.

Praying for the safety of everyone in the bus.@PMOIndia pic.twitter.com/whbIsNCSxO

— N.Biren Singh (@NBirenSingh) December 21, 2022

زخمیوں میں سے 6 کی حالت نازک ہونے کے سبب ہلاکتوں میں اضافے کا خدشہ بھی ظاہر کیا جا رہا ہے۔ تاحال حادثے کی وجہ اور نوعیت معلوم نہیں ہوسکی۔