ملک کے بیرونی قرضوں میں 4 ارب ڈالر کی کمی

بیرونی قرضوں کا حجم رواں سال کم ہو کر 59 ارب 30کروڑ ڈالر ہوگیا ہے۔ فوٹو: اے ایف پی/فائل

---

رواں مالی سال کے دوران ملک کے بیرونی قرضوں میں 4 ارب ڈالر کی کمی واقع ہوئی ہے۔

مالیاتی شعبے کے اعدادوشمار کے مطابق گزشتہ مالی سال کے پہلے آٹھ ماہ کے دوران واجب الادا بیرونی قرضوں کا حجم 63ارب 30 کروڑ ڈالر تھا جو رواں سال کم ہو کر 59 ارب 30کروڑ ڈالر ہوگیا ہے۔ اقتصادی ماہرین کا کہنا ہے کہ یہ حکومت کی بہتر پالیسی اور مالیاتی کنٹرول کا نتیجہ ہے اور بیرونی قرضوں میں 4ارب ڈالر کی کمی حوصلہ افزا ہے۔ انہوں نے کہا کہ موجودہ حکومت کی کاروبار دوست پالیسیوں کے نتیجے میں ملک میں کاروباری اور صنعتی سرگرمیوں میں نمایاں اضافہ ہوا ہے۔