کرکٹر وہاب ریاض نے سیاست میں قدم رکھ دیا

اسپورٹس رپورٹر  جمعـء 27 جنوری 2023
نگران کابینہ میں انہیں اسپورٹس منسٹری دی جائے گی، ذرائع (فوٹو: انٹرنیٹ)

نگران کابینہ میں انہیں اسپورٹس منسٹری دی جائے گی، ذرائع (فوٹو: انٹرنیٹ)

 لاہور: قومی کرکٹ ٹیم کے فاسٹ بولر وہاب ریاض نے بھی سیاست میں قدم رکھ دیا۔

کرکٹر پنجاب کی نگران کابینہ میں وزرات کھیل کی ذمہ داریاں نبھائیں گے تاہم وہاب ریاض ان دنوں بنگلہ دیش پریمیئر لیگ (بی پی ایل) کھیلنے کیلیے ڈھاکہ میں موجود ہیں۔ اس لیے انکے بھائی احسن ریاض نے وہاب کے نگران کابینہ کا حصہ بننے کی تصدیق کردی ہے۔

احسن ریاض کا کہنا ہے کہ بنگلہ دیش پریمئیر لیگ (بی پی ایل) کی مصروفیات کی وجہ سے بھائی نگران وزیر کا حلف نہیں اٹھا سکے، وہ جلد واپس آکر حلف اٹھائیں گے۔

مزید پڑھیں: شاہد آفریدی کی بطور عبوری چیف سلیکٹر مدت ختم

ذرائع کے مطابق نگران کابینہ میں قومی فاسٹ بولر کو اسپورٹس منسٹری دی جائے گی۔

دوسری جانب پنجاب کے نامزد 11 نگران وزرا میں سے 8 نے حلف اٹھا لیا، گورنر پنجاب بلیغ الرحمان نے نگران وزرا سے حلف لیا۔

حلف اٹھانے والوں میں ایس ایم تنویر، ڈاکٹرجاوید اکرم، ابراہیم مراد، بلال افضل، ڈاکٹر جمال ناصر، منصور قادر، سید اظفر علی ناصر اور عامر میر شامل ہیں۔

Wahab-1

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔