شاہد آفریدی کا قومی ٹیم میں رضوان کے ساتھ فخر کو اوپنر بھیجنے کا مشورہ

بابر اعظم کو تیسرے نمبر پر بیٹنگ کرنا چاہیے، سابق کپتان۔ فوٹو: اے ایف پی/گیٹی امیجز

---

شاہد آفریدی نے قومی ٹیم میں محمد رضوان کے ساتھ فخرزمان کو اوپنر بھیجنے کا مشورہ دے دیا۔

ایک ٹی وی پروگرام میں گفتگو کرتے ہوئے سابق کپتان شاہد آفریدی نے قومی ٹیم میں محمد رضوان کے ساتھ فخرزمان کو اوپنر بھیجنے کا مشورہ دیا ہے، انہوں نے کہا کہ بابر اعظم کو تیسرے نمبر پر بیٹنگ کرنا چاہیے۔

انضمام الحق نے کہا کہ میرے خیال میں بابر اعظم تیسرے نمبر پر بیٹنگ کرتے ہوئے مطمئن نہیں ہوتے، پہلے 6اوورز میں ان کا اسٹرائیک ریٹ بہتر ہوتا ہے مگر اس کے بعد نہیں،انھیں تیسرے نمبر پر کھیلتے ہوئے مشکل ہوگی۔

مصباح الحق نے کہا کہ فخرزمان بھی سیٹ ہونے میں تھوڑا وقت لیتے ہیں،بابر دائرے میں کوئی شاٹ کھیلیں تو مشکل میں آجاتے ہیں۔