پارلیمنٹ ہاؤس کی چھت پر چہل قدمی کرتے بندر کی ویڈیو وائرل

بندر کی ویڈیو پر سوشل میڈیا صارفین نے دلچسپ تبصرے کیے:فوٹو:اسکرین گریب

---

اسلام آباد میں پارلیمنٹ ہاؤس کی عمارت کی چھت پر ٹہلتے بندر کی ویڈیو وائرل ہوگئی۔

سوشل میڈیا پر وائرل ہونے والی ویڈیو میں بارش کے بعد بندرکو اطمینان کے ساتھ پارلیمنٹ ہاؤس کی چھت کے کنارے پر چہل قدمی کرتے اور پھر چھت پر کودتے دیکھا جا سکتا ہے۔

اسلام اباد۔۔جنگلی بلی کے بعد بندر کی پارلیمنٹ ہاؤس آمد @CDAthecapital #parlimenthouse pic.twitter.com/bLYJ8Rfbgb

— Ameer Hamza (@ameerhamzaspeak) April 28, 2023

بندر کی ویڈیو سوشل میڈیا پر آنے کے بعد انتظامیہ نے بندر کی تلاش شروع کردی جبکہ سوشل میڈیا صارفین نے ویڈیو پر دلچسپ تبصرے کیے۔ کچھ عرصہ قبل ایک جنگلی جانور بھی پارلیمنٹ کی عمارت میں داخل ہوگیا تھا اور توڑ پھوڑ کی تھی۔ جنگلی جانور کو بعد میں پکڑ کر قریبی جنگل میں چھوڑ دیا گیا تھا۔