کراچی ائیرپورٹ پر غیرملکی مسافروں سے ٹپ مانگنے کی روایت ختم نہ ہوسکی

  کراچی: جناح انٹرنیشنل ائیرپورٹ پر غیرملکی مسافروں سے ٹپ مانگنے کی روایت ختم نہ ہوسکی۔

تفصیلات کے مطابق کراچی ائیرپورٹ پرعملے کی جانب سے مسافروں سے سہولیات کے استعمال پر ٹپ مانگنے کا ایک اور واقعہ منظر عام پر آگیا ہے اس ضمن میں ایک غیر ملکی وی لاگر کی ویڈیو سوشل میڈیا پر وائرل ہوچکی ہے۔

ذرائع کے مطابق غیر ملکی مسافر کراچی سے دبئی جارہا تھا۔ جناح انٹرنیشنل سی آئی پی لاؤنج میں غیرملکی مسافر سے ٹپ مانگے جانے کے معاملے پر اعلی انتظامیہ نے واقعے کا نوٹس لے لیا۔

ذرائع نے بتایا کہ متعلقہ پرائیویٹ کمپنی کو شوکاز نوٹس جاری کردیا گیا ہے، ملکی ائرپورٹس پر مختلف قسم کے کسنشنز اوٹ سورسڈ ہیں، ان کنسشنز پر کام کرنے والے سول ایویشن کے ملازمین نہیں ہیں۔