چوتھا ون ڈے؛ بابر الیون کی ٹیم میں 5 تبدیلیاں

  کراچی: کپتان بابراعظم نے پلئینگ الیون میں ٹاس کے وقت 5 تبدیلیوں کا اعلان کردیا۔

پاکستان اور نیوزی لینڈ کے درمیان سیریز کا چوتھا ون ڈے میچ آج نیشنل اسٹیڈیم کراچی میں کھیلا جارہا ہے، گرین شرٹس کو نیوزی لینڈ کیخلاف 5 میچز کی سیریز میں 0-3 کی برتری حاصل ہے۔

سیریز کے چوتھے میچ میں کپتان بابراعظم نے ٹاس کے وقت اعلان کیا کہ امام الحق کی جگہ شان مسعود، عبداللہ شفیق کی جگہ افتخار، نائب کپتان شاداب کی جگہ محمد حارث کو پلئینگ الیون کا حصہ بنایا گیا ہے۔

دوسری جانب بولنگ کے شعبے میں نسیم کی جگہ حارث رؤف کو موقع دیا گیا ہے جبکہ انجری کے شکار محمد نواز کو چوتھے ون ڈے سے ڈراپ کیا گیا ہے۔

مزید پڑھیں: شاہد آفریدی کے ڈنز میں کپتان بابراعظم کی عدم شرکت، مداح سوال کرنے لگے

اگر قومی ٹیم ہوم گراؤنڈ پر کیویز کو 5 میچز کی سیریز میں وائٹ واش کرتی ہے تو آئی سی سی رینکنگ میں ٹاپ پوزیشن پر قابض ہوجائے گی تاہم اگر کامیابی کا تناسب 1-4 رہا تو پاکستان تیسری پوزیشن پر آسکتا ہے۔

مزید پڑھیں: کیا پاکستان ون ڈے میں دوبارہ نمبر ایک پویشن حاصل کرسکتا ہے؟

پاکستان آئی سی سی مینز ون ڈے رینکنگ میں اس وقت پانچویں پوزیشن پر قابض ہے جبکہ آسٹریلیا، نیوزی لینڈ اور بھارت کی ٹیمیں 113 پوائنٹس کے ساتھ پہلی، دوسری اور تیسری پوزیشن پر براجمان ہیں۔