شاہد آفریدی کی ایک بار پھر سندھ حکومت سے گراؤنڈ دینے کی اپیل

قومی کرکٹ ٹیم کے سابق چیف سلیکٹر اور کپتان شاہد آفریدی نے ایک بار پھر سندھ حکومت سے کراچی میں اکیڈمی کے قیام کیلئے اپیل کردی۔

سماجی رابطے کی سائٹ ٹوئٹر پر وائرل ہونے والی ویڈیو میں دیکھا جاسکتا ہے کہ سابق کپتان شاہد آفریدی ایک سرکاری اسکول کا دورہ کررہے ہیں، جہاں وہ بچوں سے پوچھتے ہیں کہ اس میدان پر فٹبال کھیلنا چاہتے ہیں یا کرکٹ! جس پر بچے جواب دیتے ہیں کہ فٹبال گراؤنڈ چاہیے۔

اس موقع پر شاہد آفریدی کہتے ہیں کہ میں اس وقت ڈسٹرکٹ ویسٹ وانگی گوٹھ میں موجود ہیں، جس میں اسکول کے ساتھ ایک موجود ہے، میری سندھ حکومت سے درخواسٹ ہے کہ مجھے یہ زمین دے دیں تاکہ میں اس گراؤنڈ پر بچوں کو کھیل کی سہولیات فراہم کرسکوں۔

مزید پڑھیں: شاہد آفریدی نے کراچی میں ’’لیجنڈز ایرینا‘‘ کے قیام کا اعلان کردیا

سابق کپتان نے وانگی گوٹھ کے سردار سے بھی ملاقات کی اور کھیلوں کی اکیڈمی کے بارے میں بتایا۔

قبل ازیں گزشتہ دنوں شاہد آفریدی نے نجی ٹی وی چینل پر کراچی میں لیجنڈز ایرینا کے قیام کا اعلان کیا تھا۔