آئی پی ایل؛ نوین الحق کا وکٹ پر جشن منانے کا انداز بھی گواسکر کو پسند نہ آیا

انڈین پریمیر لیگ (آئی پی ایل) کی ٹیم لکھنؤ سپر جائنٹ کے فاسٹ بولر نوین الحق کا وکٹ لینے کے بعد جشن منانے کا انداز سابق بھارتی کپتان سنیل گواسکر پسند نہ آیا۔

بھارتی میڈیا کی رپورٹس کے مطابق گزشتہ روز دوسرے پلے آف میچ میں لکھنؤ سپر جائنٹس کی ٹیم کو ممبئی انڈینز کے ہاتھوں شکست کا منہ دیکھنا پڑا ہے اور اسکے ساتھ وہ ٹورنامنٹ سے باہر ہوگئی ہے۔

لکھنؤ سپر جائنٹس کے فاسٹ بولر نوین الحق نے ممبئی انڈین کے کھلاڑی کو آؤٹ کرکے اپنے کانوں میں انگلیاں ڈال کر جشن منایا جس سے تاثر لیا گیا کہ وہ حالیہ دنوں سوشل میڈیا پر خود پر ہونے والی تنقید کے ردعمل میں اس طرح کا جشن کا انداز اپنا رہے ہیں۔

مزید پڑھیں: رائل چیلنجرز کی ٹیم آئی پی ایل سے باہر؛ نوین، کوہلی کا مذاق اڑانے لگے

اس دوران کمنٹری پر سابق بھارتی کپتان سنیل گواسکر نے نوین کے انداز پر تنقید کا نشانہ بناتے ہوئے کہا کہ کیا انہیں شائقین سے کوئی مسئلہ ہے؟ انہیں تو کان کھول کر جشن کا مزہ لینا چاہیے۔

مزید پڑھیں:  آئی پی ایل سینچری؛ کوہلی کے مداحوں نے نوین، گمبھیر کو آڑے ہاتھوں لے لیا

گواسکر نے نوین الحق کو مشورہ دیا کہ جشن کے وقت کانوں کو بند کرنے کے بجائے انہیں اپنے کان کھول کر لوگوں کی حوصلہ افزائی اور شور کا مزہ لینا چاہیے، اپنے ہاتھ کانوں کے پیچھے لگا کر کہنا چاہیے ہیلو، اب میں آپ کو سن سکتا ہوں، جشن تو اس طرح ہونا چاہیے۔

مزید پڑھیں:  آئی پی ایل؛ گمبھیر، نوین الحق آپے سے باہر! کوہلی سے الجھنے کی ویڈیو وائرل

قبل ازیں کوہلی کی ٹیم کو شکست ہوئی اور ایونٹ کے پلے آف مرحلے سے باہر ہوئی تو ایک بار پھر نوین الحق نے انسٹاگرام پر ایک پوسٹ لگاکر مذاق اڑاتے ہوئے ایک آدمی ہنستا دکھائی دے رہا ہے، جس پر انہیں تنقید کا نشانہ بنایا تھا۔

واضح رہے کہ نوین الحق اور کوہلی کے درمیان رواں سیزن میں تلخ کلامی ہوئی تھی، جس میں ٹیم کے مینٹور گوتم گمبھیر بھی شامل ہوگئے تھے جس پر تینوں کرکٹرز کو جرمانہ بھی عائد کیا گیا تھا۔