معروف ماڈل حسنین لہری نے نمرہ جیکب کو ’’تھپڑ‘‘ رسید کردیا، ویڈیو وائرل

پاکستانی شوبز انڈسٹری کے دو معروف ماڈلز حسنین لہری اور نمرہ جیکب کی بیک اسٹیج جھگڑے کی ویڈیو سوشل میڈیا پر وائرل ہوگئی۔

رپورٹس کے مطابق ٹیکسپو فیشن شو میں پاکستانی ماڈل نمرہ اور حسنین بطور ماڈل ایونٹ میں شریک ہوئے جہاں بیک اسٹیج دونوں فنکاروں کی لڑائی شدت اختیار کرگئی۔

نمرہ بیک اسٹیج اپنے ساتھی ماڈل حسنین لہری کی ویڈیو بنارہی تھیں، اسکا علم حسنین کو ہوا تو انہوں نے انکا موبائل چھین لیا اور اس دوران نمرہ کو تھپڑ بھی لگادیا۔

رپورٹ میں بتایا گیا کہ لڑائی کو بڑھتا دیکھ انتظامیہ نے بیچ بچاؤ کروانے کی کوشش کی تاہم دونوں ماڈلز اپنے اپنے مؤقف پر ڈٹے رہے۔

ویڈیو میں حسنین لہری کو چیختے ہوئے سنا جاسکتا ہے جس میں وہ کہہ رہے ہیں کہ کسی کی ویڈیو بنانا قابلِ قبول نہیں، جس پر مزید ماڈلز کہتی سنائی دے رہی ہیں کہ حسنین تمہیں اپنا ردِ عمل کیسے صحیح لگ رہا ہے، تم کسی کو تھپڑ کیسے مار سکتے ہو؟، نمرہ کا موبائل ابھی واپس کرو!۔

دوسری جانب نمرہ نے میڈیا کے ایک نمائندے سے گفتگو کرتے ہوئے کہا کہ حسنین نے ان پر ہاتھ اٹھایا ہے اور انکا موبائل بھی چھین لیا، اس دوران نمرہ نے ماڈلز کے حفاظتی اقدام پر سوال اٹھایا۔

وائرل ویڈیو کے آخر میں یہ بھی دیکھا جسکتا ہے کہ شو کے مقام پر پولیس کو بھی بلالیا گیا تھا جو حسنین لہری کو اپنے ہمراہ باہر لے جاتی دکھائی دی۔

Pakistan’s top most fashion models Hasnain Lehri and Nimra Jacob involved in a clash following Texpo Fashion Show in Karachi. According to the eye witnesses, Lehri took Jacob’s mobile for allegedly filming him at the backstage and Jacob accused Lehri for raising a hand on her.… pic.twitter.com/HiRRM8I66C

— Times of Karachi (@TOKCityOfLights) May 27, 2023