ضابطہ اخلاق کی خلاف ورزی پر ویمن کرکٹ ٹیم کی سابق کپتان پر جرمانہ عائد

فوٹو: فائل

---

پاکستان ویمن کرکٹ ٹیم کی سابق کپتان بسمہ معروف پر پی سی بی کے ضابطہ اخلاق کی خلاف ورزی پر میچ فیس کا 20 فیصد جرمانہ عائد کر دیا گیا۔

تفصیلات کے مطابق پاکستان ویمنز کپ میں ڈائنا مائٹس کی طرف سے کھیلتے ہوئے بلاسٹرز کے خلاف میچ میں امپائر کے فیصلے پر ناراضگی کا اظہار کرنے والی سینئر بیٹر بسمہ معروف پی سی بی کے ضابطہ اخلاق کے لیول ون کے آرٹیکل 2.8 کی خلاف ورزی کی مرتکب پائی گئیں۔

پی سی بی کے ضابطہ اخلاق کی خلاف ورزی پربسمہ معروف پر میچ فیس کا20 فیصد جرمانہ عائد کر دیا گیا، میچ امپائرز آل حیدر اور صباحت رشید کی رپورٹ پر میچ ریفری محمد انیس کا فیصلہ بسمہ معروف نے تسلیم کرلیا۔

واضح رہے کہ کھیل کے 40 ویں اوور میں صبا نذیر کی گیند پر ایل بی ڈبلیو قرار دیے جانے پر بسمہ معروف نے امپائر کے فیصلے پر ناراضگی کا اظہار کیا تھا۔