پرویز الہیٰ کی گرفتاری پر مونس الہیٰ نے ردعمل جاری کردیا

 لاہور: پرویز الہیٰ کی گرفتاری کے بعد اُن کے صاحبزادے مونس الہیٰ نے ردعمل جاری کردیا۔

سماجی رابطے کی سائٹ ٹویٹر پر پرویز الہیٰ کی گرفتاری پر ردعمل دیتے ہوئے مونس الہیٰ نے کہا کہ ’جنوری سے پکڑ دھکڑ کا سلسلہ شروع ہوا، تب میرے والد نے مجھے یہ کہا تھا کہ چاہے مجھے بھی گرفتار کر لیں ہم نے ساتھ دینا ہے‘۔

جنوری سے پکڑ دھکڑ کا سلسلہ شروع کیا تھا تب میرے والد نے مجھے یہ کہا تھا کہ چاہے مجھے بھی گرفتار کر لیں ہم نے عمران خان کا ساتھ دینا ہے ۔ 3 دن پہلے میرے والد اور والدہ نے یہی چیز دہرائی۔اب کہا جا رہا ہے کہ پولیس نے میرے والد کو جھوٹے مقدموں میں گرفتار کیا ہے۔ ہم انشا ءاللہ پی ٹی… pic.twitter.com/TqbWlkbZ0U

— Moonis Elahi (@MoonisElahi6) June 1, 2023

انہوں نے کہا کہ تین روز قبل بھی والد اور والدہ نے اس عزم کا اعادہ کیا، اب پولیس نے جھوٹے مقدمے میں والد کو گرفتار کرلیا، اس کے بعد بھی ہم انشاء اللہ پی ٹی آئی میں تھے اور رہیں گے۔

مزید پڑھیں: تحریک انصاف کے صدر چوہدری پرویز الہٰی گرفتار

واضح رہے کہ پولیس نے 8 روز کے مسلسل محاصرے کے بعد پرویز الہیٰ کو لاہور میں اُن کی رہائش گاہ کے باہر سے گرفتار کر کے اینٹی کرپشن کے حوالے کردیا ہے۔ پرویز الہیٰ کی گرفتاری کے وقت سی سی پی او لاہور بھی موجود تھے۔