بھارتی فوج کی ریاستی دہشت گردی میں کشمیری نوجوان شہید

ویب ڈیسک  اتوار 4 جون 2023
بھارتی فورسز نے مختلف علاقوں میں لوگوں کو گھروں میں محصور کررکھا ہے:فوٹو:فائل

بھارتی فورسز نے مختلف علاقوں میں لوگوں کو گھروں میں محصور کررکھا ہے:فوٹو:فائل

سری نگر: مقبوضہ کشمیر میں بھارتی فوج کی جارحیت میں ایک کشمیری نوجوان شہید ہوگیا۔

کشمیر میڈیا کے مطابق ضلع پلواما میں نام نہاد سرچ آپریشن کی آڑ میں قابض بھارتی فوج نے سرچ آپریشن کے دوران داخلی اور خارجی راستوں کو بند کرکے گھر گھر تلاشی لی۔

اس دوران قابض بھارتی فوج کے اہلکاروں نے خواتین کے ساتھ بدتمیزی کی، بزرگوں اور بچوں کو بھی تشدد کا نشانہ بنایا جب کہ ایک گھر پر اندھا دھند فائرنگ کرکے نوجوان کو شہید کردیا۔
کٹھ پتلی بھارت نواز حکومت نے نوجوان کی شہادت کو مقابلہ ظاہر کرنے کی کوشش کرتے ہوئے کہا کہ نوجوان مسلح تھا اور اہلکاروں نے اپنے دفاع میں گولی میں چلائی۔ نوجوان کا تعلق عسکریت پسند گروپ سے ظاہر کیا گیا۔

دوسری جانب شہید نوجوان کے اہل خانہ اور علاقہ مکینوں نے حکومتی مؤقف کو مسترد کرتے ہوئے شدید احتجاج کیا اور کہا کہ نوجوان طالب علم اور نہتا تھا جس کا کسی گروپ سے کوئی تعلق نہیں۔

واضح رہے کہ گزشتہ ماہ بھارتی فوج نے 10 کشمیری نوجوانوں کو شہید کردیا تھا جب کہ اس ماہ کے آغاز میں ہی ایک نوجوان کو دہشت گرد سمجھ کر چیک پوسٹ پر بارڈر سیکیورٹی فورس نے قتل کردیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔