شعیب اختر کی شادی کس طرح ہوئی؟ سابق فاسٹ باؤلر نے دلچسپ قصہ سُنا دیا

کراچی: پاکستان کرکٹ ٹیم کے سابق فاسٹ باؤلر شعیب اختر نے اپنی شادی کے حوالے سے دلچسپ قصہ سُنا دیا۔

حال ہی میں راولپنڈی ایکسپریس کے نام سے مشہور سابق فاسٹ باؤلر شعیب اختر ایک پوڈکاسٹ میں شریک ہوئے جہاں انہوں نے کرکٹ سمیت نجی زندگی پر بھی کھل کر بات کی۔

فاسٹ باؤلر نے اپنی شادی سے متعلق دلچسپ واقعہ سُناتے ہوئے انکشاف کیا کہ انہیں خود بھی نہیں معلوم تھا کہ ان کی شادی کس سے کب اور کس طرح ہوگئی۔

View this post on Instagram

A post shared by Shoaib Akhtar (@imshoaibakhtar)

شعیب اختر نے بتایا کہ ’میری والدہ اور اہلیہ کی والدہ کی ملاقات حج کے دوران ہوئی، جہاں ساس نے میری والدہ کی خوب خدمت کی کیونکہ وہ انہیں کوئی پیرنی سمجھ رہی تھیں۔‘

شعیب اختر کے مطابق والدہ نے ان کی ساس کی غلط فہمی دور کی اور انہیں بتایا کہ وہ قومی کھلاڑی کی والدہ ہیں اس لئے لوگ ان سے اتنی عقیدت سے مل رہے ہیں۔

سابق فاسٹ باؤلر کا بتانا تھا کہ حج سے واپسی پر کھانے کی ایک تقریب میں میری والدہ نے مجھے خاتون سے ملوایا اور کہا کہ یہ تمہاری ہونے والی بیوی ہے اور میں نے کہا ٹھیک ہے۔

 

 

 

View this post on Instagram

 

 

A post shared by Shoaib Akhtar (@imshoaibakhtar)

شعیب اختر کا کہنا تھا کہ انہوں نے کبھی اپنی والدہ کو کسی بھی چیز کیلئے نا نہیں کہا اس لئے وہ ان کی مرضی کی خاتون سے شادی کیلئے بھی فوری تیار ہوگئے۔

انہوں نے مزید بتایا کہ ان کی شادی 10 سے 15 افراد کی موجودگی میں سادگی سے ہوئی نکاح ہوا اور وہ اہلیہ کو رُخصت کر کے گھر لے آئے۔

A post shared by Shoaib Akhtar (@imshoaibakhtar)

شعیب اختر کا کہنا تھا کہ ان کی اہلیہ ایک نفیس خاتون ہیں اور وہ میڈیا پر آنا پسند نہیں کرتیں جبکہ پردے کا بھی خیال کرتی ہیں یہی وجہ ہے کہ ان کی فیملی میڈیا سے دور رہتی ہے۔

یاد رہے کہ شعیب اختر 2014 میں ایک نجی تقریب میں رشتہ ازدواج میں منسلک ہوئے تھے ان کے 2 بیٹے بھی ہیں۔