- زرمبادلہ کی مارکیٹوں میں ڈالر کے مقابلے میں روپیہ مستحکم
- سائفر کیس: انٹرنیٹ پرموجود لیکڈ آڈیوز کو درست نہیں مانتا، جسٹس گل حسن اورنگزیب
- عمران خان نے چئیرمین پی اے سی کے لیے وقاص اکرم کے نام کی منظوری دیدی
- سوال پسند نہ آنے پر شیرافضل مروت کے ساتھیوں کا صحافی پر تشدد
- مالی سال 25-2024کا بجٹ جون کے پہلے ہفتے میں پیش کیے جانے کا امکان
- کورونا وائرس سے بچاؤ کے لیے نئی ویکسین کی آزمائش
- بیوی کی بے لوث خدمت، شوہر 10 سال بعد کومے سے زندگی کی طرف لوٹ آیا
- بجلی کی قیمت میں دو روپے 83 پیسے فی یونٹ اضافہ
- کراچی : تین ڈاکو پولیس اہلکار سے بائیک چھین کر فرار، چوتھا زخمی حالت میں گرفتار
- افغانستان میں طالبان ملٹری کی گاڑی دھماکے میں تباہ؛ 6 ہلاک اور 8 زخمی
- 2014ء کے دھرنے کی انکوائری کے لیے تیار ہوں، عمران خان
- سندھ ہائر ایجوکیشن کمیشن کے تحت جاب فیئر کل ایکسپو سینٹر کراچی میں ہوگا
- اذلان شاہ ہاکی ٹورنامنٹ؛ پاکستان کے فائنل کھیلنے کے امکانات روشن
- شیر افضل پارٹی اختلافات پر پھٹ پڑے، شبلی فراز اور عمر ایوب کو لیڈر ماننے سے انکار
- کراچی میں اغوا کی جانے والی ساڑھے4 سالہ بچی بازیاب، اغوا کارخاتون گرفتار
- بلوچستان میں حوالہ ہنڈی اور بجلی چوری کے خلاف کریک ڈاؤن
- سونے کی عالمی اور مقامی مارکیٹوں میں قیمت آج مزید کم ہو گئی
- پاکستان کا پہلا سیٹلائٹ خلائی مشن آئی کیوب چاند کے مدار میں داخل
- یوکرینی صدر کو قتل کرنے کی سازش پکڑی گئی؛ 2 کرنل گرفتار
- لاہور میں وکلا کا مطالبات کے حق میں احتجاج، پولیس سے شدید جھڑپوں میں متعدد افراد زخمی
میرے ساتھ واردات ہوئی ہے، پولیس جس طرح چاہے تحقیقات کرلے، ولی شیخ
کراچی: معروف کامیڈین ولی شیخ نے کہا کہ پولیس جس طرح چاہے تحقیقات کرلے، ان کے ساتھ مویشی منڈی جاتے ہوئے لوٹ مار کی واردات ہوئی تھی اور انہوں نے قریب کھڑی ہوئی موبائل کے ساتھ ڈاکوؤں کا تعاقب بھی کیا لیکن وہ فرار ہوگئے، بعد میں رینجرز موبائل سے گلشن معمار تھانے کا پتہ پوچھ کر وہ تھانے گئے اور مقدمہ درج کرایا۔
دوسری طرف کراچی پولیس چیف جاوید عالم اوڈھو کا موقف تھا کہ کامیڈین ولی شیخ نے مویشی منڈی سے متعلق جو بات کی وہ حقائق کے برعکس ہے، واردات کا جو وقت وہ بتا رہے ہیں اس وقت ان کی لوکیشن ملیر سٹی کی ہے۔
ایکسپریس سے گفتگو کرتے ہوئے ولی شیخ کا کہنا ہے کہ اگر میری بات غلط ثابت ہوتی ہے تو مجھے قانون کے مطابق سزا دی جائے ، انھیں اس حوالے سے نہیں معلوم کہ کراچی پولیس چیف ان کی لوکیشن سے متعلق بات کس بنیاد پر بات کر رہے ہیں۔
انھوں ںے بتایا کہ جس وقت ان کے ساتھ واردات ہوئی نجی ٹی وی چینل سے وابستہ عفان بھی ان کے ہمراہ تھے اور ان کا ایک موبائل فون جو کہ موٹر سائیکل پر چڑھے کور کی جیب میں رکھا تھا وہ چھین جانے سے بچ گیا اور اسی موبائل فون سے تھانے میں ویڈیو بنائی تھی۔
ایک سوال کے جواب میں انھوں نے بتایا کہ وہ انویسٹی گیشن افسر سرور کے ساتھ مکمل تعاون کررہے ہیں اور وہ ان کے گھر بیان لینے بھی آئے اور انھیں مجھ سے کوئی پریشانی نہیں، یہ بات درست نہیں کہ وہ پولیس کے ساتھ تعاون نہیں کر رہے ہیں۔
ولی شیخ نے بتایا کہ واردات کے بعد ان کے پاس ایک فون آیا تھا کہ ایس ایس پی نے آپ کو بلایا ہے اس وقت وہ اپنی ہمشیرہ کی ساس کے جنازے میں تھے جس پر انہیں کہا گیا کہ بعد آپ سے فون پر رابطہ کرلیا جائیگا تاہم اس کے بعد کسی کا دوبارہ فون نہیں آیا۔
واضح رہے کہ ولی شیخ اور عفان کے ساتھ رواں ماہ 4 جون کو ناردرن بائی پاس مویشی منڈی جاتے ہوئے لوٹ مار کی واردات ہوئی تھی جس میں ڈاکو ولی شیخ کا موبائل فون، 85 ہزار روپے نقدی جبکہ اس کے ساتھی سے موبائل فون اور 5 ہزار روپے نقدی چھین کر فرار ہوگئے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔