ساتھیوں کی جانب سے سرفراز احمد کیلیے چھوٹے بیٹ کا تحفہ

سرفراز نے 3سال موقع کا انتظار کیا اور پھر اپنا انتخاب درست ثابت کر دکھایا، بابر اعظم ۔ فوٹو: پی سی بی ٹوئٹر

---

ٹیسٹ کرکٹ میں سنگ میل عبور کرنے پر ساتھی کھلاڑیوں نے سرفراز احمد اور عبداللہ شفیق کی حوصلہ افزائی کردی۔

امام الحق نے وکٹ کیپر بیٹر سرفراز احمد کو تحفے میں چھوٹا بیٹ پیش کیا جس پر 3ہزار رنز کے الفاظ درج تھے، اسی طرح ایک ہزار رنز مکمل کرنے پر سرفراز احمد نے عبداللہ شفیق کو بھی چھوٹا بیٹ دیا۔

یہ بھی پڑھیں: سرفراز پاکستان کیلئے سب سے زیادہ ٹیسٹ رنز بنانے والے کیپر بن گئے

بابر اعظم نے مختصر خطاب میں کہا سرفراز نے 3سال موقع کا انتظار کیا اور پھر اپنا انتخاب درست ثابت کر دکھایا، وہ گذشتہ سیریز کے بہترین کرکٹر بنے، میں نے ان سے بہت کچھ سیکھا ہے، جب وہ کپتان تھے تو ڈانٹ بھی کھائی، اس میں پیار بھی تھا، وہ اچھی پرفارمنس چاہتے تھے۔

کپتان نے عبداللہ شفیق سے کہا کہ ابھی صرف ایک چھوٹا سا سنگ میل عبور کیا ہے، مزید بہت کچھ مزید حاصل کرنا ہے، اس موقع پر کھلاڑیوں نے گال ٹیسٹ میں عمدہ شراکت قائم کرنے والے سعود شکیل اور سلمان علی آغا کو تالیاں بجاکر داد دی۔

.@imabd28 - Fourth-fastest 🇵🇰 batter to 1️⃣0️⃣0️⃣0️⃣ Test runs@SarfarazA_54 - First 🇵🇰 wicketkeeper-batter to 3️⃣0️⃣0️⃣0️⃣ Test runs

Celebrating milestones! Skipper @babarazam258 shares encouraging words in honour of their accomplishments 🙌#SLvPAK pic.twitter.com/upigWJJVBM

— Pakistan Cricket (@TheRealPCB) July 17, 2023