پراباتھ جے سوریا نے بابر اعظم کو پکا شکار بنالیا

سرفراز 3 ہزار رنز بنانے والے پہلے پاکستانی وکٹ کیپر،عبداللہ کے 1 ہزار رنز۔ فوٹو: آئی سی سی

---

پراباتھ جے سوریا نے بابر اعظم کو پکا شکار بنالیا ہے، 5اننگز میں 4بار پویلین بھیجا۔

پاک سری لنکا گال ٹیسٹ میں پہلے ٹیسٹ میچ کے دوسرے روز پراباتھ جے سوریا نے بابر اعظم کو آؤٹ کیا،پاکستان ٹیم کے کپتان 5اننگز میں 4بار اسپنر کا شکار بنے،انھوں نے اس دوران 35.75کی ایوریج سے 143رنز اسکور کیے۔

گال کا میدان جے سوریا کی مرغوب شکار گاہ بھی ہے، ابھی تک انھوں نے وہاں 11میچز میں 49وکٹیں اڑائی ہیں،مرلی دھرن 20میچز میں 111شکار کرکے سرفہرست ہیں،رنگانا ہیراتھ102،دلروان پریرا57اور رمیش مینڈس 51 کھلاڑیوں کو پویلین بھیجنے میں کامیاب ہوئے تھے۔

یہ بھی پڑھیں: گال ٹیسٹ؛ بارش کے باعث تیسرے دن کا کھیل شروع نہ ہوسکا

دوسری جانب سرفراز احمد نے 3ہزار ٹیسٹ رنز مکمل کرلیے، انھوں نے یہ سنگ میل 52ویں میچ میں عبور کیا۔ اس دوران 4سنچریاں اور 21 ففٹیز اسکور کیں،سرفراز 3000 یہ اعزاز پانے والے پاکستان کے 20ویں بیٹر اور پہلے وکٹ کیپر ہیں۔

اس سے قبل معین خان 2741رنز کے ساتھ ٹاپ اسکورر تھے،انھوں نے کیریئر میں 69 میچز کھیلے،کامران اکمل 53میچز میں 2648 رنز کے ساتھ تیسرے نمبر پر ہیں، دوسری جانب عبداللہ شفیق نے ٹیسٹ کرکٹ میں اپنے ہزار رنز مکمل کیے ہیں،انھوں یہ سنگ میل 24ویں اننگز میں عبور کیا، سعید احمد 20، صادق محمد 22، جاوید میانداد 23، توفیق عمر اور عابد علی 24،24اننگز میں ایک ہزار رنز مکمل کرنے میں کامیاب ہوئے تھے۔